佘詩曼出錢力撐康華做歌手 支持姊妹有原因：佢張Poster完全唔襯
撰文：吳子生
出版：更新：
佘詩曼今日（18/1）出席在跑馬地舉行的「農曆新年賽馬日」記者會，她將擔任「農曆新年賽馬日」開幕匯演嘉賓，年初三到時又可以同大家過年共度新春佳節。阿余表示：「其實本來要拍嘢嘅，今日呢個活動，將會在年初三再帶嚟香港同大家一齊過啦，順道可以放一日假啦。」
余詩曼好欣賞康華首新歌《拼火花》歌詞好勵志，鼓勵年青人拼搏。（黃國立攝）
阿余早前在「延禧攻略」飾演嫻妃一角人氣急升，工作一浪接一浪忙過不停，自己都想放假陪家人過農曆新年：「今年真係冇時間，只有一日係香港，所以屋企過年前準備要做嘅嘢都做唔到，其實我忙佢都開心嘅，只不過媽咪梗係想個女係屋企陪佢啦，咁好啦我都返嚟一日啦。」
余詩曼開心年初三可以留港一日陪屋企人過農曆新年。（黃國立攝）
日前康華正式加盟《華星娛樂》做Rapper女歌手， 阿余為支持閨密做歌手，不惜出錢又出力：「我嗰日問佢你首歌係情歌定係失戀歌，佢話：『唔係呀，係Rap歌嚟㗎！』之後佢畀咗我聽，我就話佢張Poster完全唔襯喎，咁之後我先有呢個動機去幫佢做呢件事，所以叫埋我啲製作團隊朋友一齊去做。」
+4