【荷里活有個大老千】36歲文凱玲入行7年收起性感:我有個底線

撰文:
最後更新日期:

文凱玲(Connie)飾演的是乖乖女,舞蹈團成員的「明珠」(左一)。(截圖)

無綫電視劇《荷里活有個大老千》中,文凱玲(Connie)飾演舞蹈團成員「明珠」,戲中與同為姊妹的芬芳(陳雅思飾)、小燕(劉溫馨飾)為了試戲而遭「老闆」調戲並上演一場「三小花試戲泳裝潘金蓮三戲西門慶」,早前更有一段紅磨坊跳舞,性感得來又帶點惹笑。文凱玲(Connie)接受《香港01》訪問時說:「我好鍾意個角色設定,因為好立體。佢係一個好矛盾嘅人。初頭十集可以覺得佢係一個好斯文好乖好聽話嘅人,但係明珠好相信亦都好尊重佢嘅經理人『蓮姐』,雖然未必覺得啱,但係『蓮姐』話做佢都會做,但係去到後尾佢都會有疑問同轉變,有唔同階段其實好立體。」

文凱玲說,紅磨坊跳舞已經是她在本劇中最性感的一段。(IG圖片)

其實她在2012年入行開始拍戲,就已拍攝多部作品,相信大家對她在《喜愛夜蒲2》、《鴨王2》、《唐伯虎之衝上雲霄》等的演出都記憶尤新。那麼, 她的經歷是否就像是「明珠」一樣,順從經理人的意思?她回答說:「呢部份都有啲似,佢咁有經驗,咁梗係信佢嘅判斷㗎啦,如果唔係晶哥,都唔會開始拍戲又有一啲有角色嘅戲,呢幾年又Keep住有嘢做。」

文凱玲都算係王晶常用嘅女演員之一。(視覺中國)

由香港大學心理學系畢業,到任職機艙服務員,再到拍三級電影作性感演出,她有沒有爭扎過呢?「啱啱開始都有猶豫,有搵朋友傾過,睇返好多其他地方嘅戲,好多演員做嘅戲都會喺屋企換衫,或者屋企換衫會Top-Less。呢啲戲其實都係生活入面嘅一部份,唔會覺得係刻意賣弄性感,就算我以前啲戲係比較性感,就算係三級都好,都仲有個底線喺度。同埋我會同自己講,一個專業嘅演員,好多嘢都係演戲一部份,唔可能擔心太多。」

問及她的底線是甚麼,她簡單的說:「露點。」那麼,如果像是湯唯在《色,戒》中般演出呢?她回答說:「暫時唔會考慮,過唔到自己嗰關,同埋之前都有比較性感嘅演出,其實我想再試多啲唔同嘅嘢。我覺得拍戲最好玩係可以試到平時生活唔會做嘅嘢,如果重複都係拍一樣嘢咪會好悶囉?」

其實文凱玲拍戲都好博命,所以提起佢,都唔少得「性感」兩個字。(網上圖片)

表面上的她看似生活風光、衣食無優,但真實的她卻是一名慳妹,還要付擔家中使費。「一開始拍戲都冇空姐搵得咁多,同埋我個人都係辛苦命,唔可以冇嘢做。之前試過冇嘢做嗰排就去朋友公司做會計,又試過做翻譯。不過就算自己幾辛苦都好,家用都唔可以畀少啲,因為係一個承諾,幾辛苦都要堅持。」對比起觀眾的既有認知,她的生活實在是再平常不過。「食飯我都唔會特別食啲好貴嘅嘢,最緊要係好食,哈,我成日都會喺街邊『篤魚蛋』,又會去茶餐廳食嘢,最鍾意就係食豉油王抄麵。」

+19
+18
+17


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。