【荷里活有個大老千】住四年劏房追演藝夢 文凱玲:屋企負擔唔輕

撰文:
最後更新日期:

文凱玲出席在深水埗舉行的《荷里活有個大老千》時來運轉迎新春活動。凱玲在戲中飾演李施華(經理人)旗下小花「明珠」角色鮮明,當中更有不少性感歌舞表演,迷到不少視迷繼續追看。凱玲笑言:「其實我本身手腳唔協調,又唔識跳舞,咁所以上網睇過嗰個年代跳咩舞,加深咗印象,到現場演嘅時候,即場教即場演,其實我記唔到㗎。」

文凱玲今日出席無綫劇集《荷里活有個大老千》宣傳活動。(李文偉攝)

文凱玲2010年參選香港小姐競選,最終落敗,深明加入娛樂圈收入不穩定,所以一路以來從未放棄空姐工作,儲夠錢才敢入行,不惜租住劏房,在衣食住行慳足四年時間,目的就是儲夠銀彈,為日後進軍演藝圈作準備。文凱玲接受香港01訪問時說:「因為當時屋企都有負擔,唔係輕鬆嘅,咁所以要做多少少嘢搵多少少錢先,因為知道入咗行收入都會比較唔穩定,不過依家就冇做空姐,全身投入演藝事業上,因為細佬妹佢哋出晒身,我可以做我想做嘅嘢。」凱玲續說:「依家就冇住劏房,因為我樓下火燭燒咗成層,好在我嗰日唔喺屋企,拍完嘢返到嚟,見到成層樓薰黑晒,之後諗過真係危險,咁所以之後搬返去同屋企住。」

文凱玲表示細佬妹出晒身,現在負擔冇咁大,可以全程投入演藝事業。(李文偉攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。