【法證先鋒IV】陳煒連踩46小時廠景破紀錄 咁趕為咗交場畀呢部劇

撰文:秦志鴻
出版:更新:

連踩46小時係咩玩法?

在無綫做演員,無論你演技如何、名氣多大,一律都要面對捱更抵夜的拍攝過程,這是眾所皆知,所以圈中有不少嘗試過這種滋味的藝人都表示過,在無綫拍劇,是辛苦的。最近由梅小青監製,黃浩然、李施嬅、陳煒、譚俊彥等主演的新劇《法證先鋒IV》正拍攝得如火如荼,今日(1/2)陳煒更刷新一項新紀錄,完成了連續46小時廠景的拍攝工作!

對上一次嘅廠景紀錄係27.5小時,同樣都係梅小青嘅作品《宮心計2深宮計》,由馬國明創下。(劇照)

46小時不眠

記得煒哥早前在接受《香港01》專訪時提過,自己只要一開工就不會「恰眼瞓」,當時她是以《宮心計2深宮計》做例子,她曾說:「從入行開始到而家幾攰都係咁,因為我覺得恰完之後再埋位,個人會好唔清醒,個人會離開咗,(最長幾耐無瞓?)喺呢套戲入面,我起碼試過十幾次個頭係連咗三日戲,即係無洗頭無拆頭,咁樣先可以爭取到三個鐘頭去瞓覺。算係入行以嚟最辛苦。」

【準視后專訪】陳煒最有資格擊敗黃智雯? 「輸咗就叫自己加油」

今次煒哥連踏46小時可謂再創新高!這個馬拉松式的拍攝進程,煒哥總共拍攝了30多場戲,而這個場景亦正是煒哥劇中的屋企:「其實唔係全部都有我份嘅,中間有幾場係拍康華同鄭子誠,咁我啲時間我都叫做係可以休息嘅。不過我就冇用嚟瞓覺,我用咗啲時間嚟睇劇本。」

長達46小時的過程,煒哥亦不忘在個人IG持續更新。(Instagram)

工作人員超佩服 拍得咁趕原因係趕交場!

其實連踩46小時,並非人人能做得到,即使中途有換過班的工作人員亦稍有微言,但據他們透露,撐足全程的煒哥卻竟然一句都沒有呻過,再回想自己,又豈能叫苦?甚至在最後一場戲份,踩足全程的煒哥與康華上演的一場激動鬧交戲仍然能順利完成,實在令在場所有工作人員心悅誠服,佩服她仍然精神奕奕!

無綫一年大概出產16至20部自家製劇集,而主要用以拍劇的廠約有3至4個,而每部劇拍劇長度亦介乎3個月或以上,廠期的確非常緊迫,所以今次能夠刷新開廠時長紀錄,原因廠景租用到期,不得不得「還廠」之前完成所有廠景拍攝場面,據知,接同廠的劇集是馬國明主演的《降魔的2.0》。

有好多人同煒哥一齊打破紀錄架!(Instagram)

煒哥今次係做科學鑑證主任:

+12
你可能感興趣