【開心速遞】楊嘉欣比堅尼遊牛奶湖 湖泥搽全身:導遊話可以增大

撰文:
最後更新日期:

《愛.回家之開心速遞》內楊嘉欣飾演百貨公司售貨員Annie。(截圖)

無綫處境劇《愛.回家之開心速遞》一直都有不少「隱藏美少女」(詳細請按此:【開心速遞】嚴選十大隱藏美少女 19歲「傻強」女友最年輕高質),除了邱晴、梁茵、周梓盈之外,不少得當然是「隱藏美少女」之冠楊嘉欣(Cherry)(飾 威龍百貨女裝部Annie)。早前Cherry趁著空閒時間到了位於西太平洋的島嶼國家「帛琉」旅遊,打卡拍照留念之餘更放上IG開心Share,一眾網民更紛紛留言大讚她性感而又有仙氣。

【開心速遞】楊嘉欣著泳衣遊帛琉彩虹瀑布騷長腿 網讚:仙女下凡

楊嘉欣都好受網民歡迎㗎。(受訪者提供)

楊嘉欣(Cherry)接受《香港01》訪問時說:「係吖,今次同屋企人去,去咗足足6日5夜。哈哈,去到嗰度好似荒野求生咁,去到嗰度就係食瞓玩,最主要每日就係出海浮潛,睇好多珊瑚,餵下魚、睇下鯊魚、睇下水母同埋釣魚。不過最主要都係支持下屋企人,公公喺嗰邊投資咗酒店,同埋好難得可以一家人去旅行,唔止係爹地媽咪,而係阿公吖、姑姐都去埋。」

Cherry在帛琉旅行中也去著名的彩虹瀑布拍照。(受訪者提供)

楊嘉欣說:「聽導遊講啲湖泥搽邊度就可以大邊度。」(受訪者提供)

她笑說:「今次大概坐咗4個鐘飛機到帛琉,由澳門出發嘅。因為我所有屋企人都喺澳門。佢哋投資酒店投資咗幾多我唔清楚,屋企人喺嗰邊做嘢,我只係去玩。個天同海係真係好靚,個人感覺真係靚過馬爾代夫!」相片中她也有到著名景點牛奶湖遊覽並用湖泥搽滿全身,她說:「牛奶湖係一個Tiffany blue嘅湖,個湖入面有啲火山泥,有一粒粒磨砂係入面。導遊話可以美顔磨砂之餘,仲可以增大...不過信唔信由你。」

去島國渡假,不少得就是陽光與海灘。(受訪者提供)

16歲就入行的她,入行4年,至今才漸漸為人所熟悉。雖然離成名還有一段頗長的路。「最近間唔鐘拍下愛回家做下Annie。(收入多唔多?)多唔多嘢做,收入多唔多就見仁見智。但係我都夠食夠買嘢,因為我同屋企人住唔洗交租。我想做多啲嘢賺多啲,因為我都想有上車嘅機會,想有個屬於自己嘅家。(屋企人點睇妳入行?)無論我做乜,我相信我屋企人都會支持我嘅,因為佢哋非常錫我,我只想做啲我覺得開心嘅嘢,因為做人最緊要快樂吖嘛。」

楊嘉欣公公投資的「帕勞假日酒店」,據Tripadvisor顯示,是一間3星半級酒店。(網上圖片)

酒店個景觀真係好靚...(網上圖片)

Cherry話個Trip啲靚相多到Post唔晒,呢度只係一小部份:

+14
+14
+14


請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。