【反黑2】最強反派張耀揚有望亮相 陳國坤:點都好佢都要客串下

撰文:
最後更新日期:

不系人都非常期待《反黑2》的上映。(網上圖片)

陳國坤(小龍)今晚(18/3)出席在灣仔舉行的《東影業週年晚宴》。史上最強網劇新一輯《反黑2》即將開拍,小龍表示:「劇本都寫好晒,準備功夫都準備得八八九九,依家最頭痕係搵演員,因為套戲裡面嘅演員需要比上一部戲多出一倍,所以喺第一季嘅時候買點都係我哋經典嘅演員,咁到我哋第二季嘅時候都想有返啲咁經典嘅演員,坊間都會有好多,其實我哋都有搵過張耀揚,盡量都想滿足返啲觀眾。」

小龍表示《反黑2》網劇現階段最頭痛係搵演員。(陳順禎攝)

有指張耀揚因工公務繁多,因此辭演該角色。小龍笑言:「因為我哋仲係籌備階段,當時又唔想太過公開,咁所以又冇話唔成事嘅,其實係有同佢傾過,我哋其實好想佢參與,依家要睇下佢大哥大,幫唔幫下手啦,無論點都好佢點都要出現下,客串都要,講返呢一套劇有著純香港味道,我哋好想將以前嘅前輩,將香港最輝煌最團結嘅時候希望帶返畀觀眾,當年電影市道最蓬勃又團結嘅日子,咩電影題材都接受。」

小龍今晚出席《東方影視週年晚宴》。(陳順禎攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。