方力申自由身兩年突然加盟邵氏兄弟:聽到人話我退咗休

撰文:
最後更新日期:

方力申今天(20日)出席「邵氏兄弟影視項目發布會」,小方今天也有一件開心事情宣布:「我早幾日簽咗邵氏,所以今日就有機會嚟呢到同大家見面,咁簽邵氏原因係因為過去兩年簽都係自己發展,但係我太多範疇,有時候做藝術,上年又舉辦游水學校,合作開當然知道點搵我,未合作過好多時都唔知點搵我,有時會聽到人話我唔做呢行,退休啦,但其實唔係,演藝事業都係我熱誠同唯一事業。」

方力申今天(20日)出席「邵氏兄弟影視項目發布會」。(梁碧玲攝)

小方又表示今次加盟邵氏,原來又關王祖藍事:「其實上年拍祖藍嘅一套電影時,多咗同樂小姐(樂易玲)有聯絡,亦都多謝佢信任,同埋大家都好投緣,好快作出呢個決定,所以係香港多咗一個屋企。」

 

小方簽盟邵氏兄弟說明不講價錢,大家是講信任。(梁碧玲攝)

樂小姐視小方為「金蛋」,小方直言也很希望為公司賺錢:「其實自己都做咗呢行好多年,要有好嘅作品,同埋今日嚟到呢到俾我有好深感受,其實做演員一啲都唔難,高矮肥瘦都可以,但係要做一個有人認同嘅演員要經理人提攜,要用好大努力、操守同勤力先做到,希望同業都搵到欣賞你嘅觀眾。」

小方很期待接下來再新公司的工作。(梁碧玲攝)

藝人簽約也會附帶很多條件,邵氏會否要求小方一年要拍攝多部電影,小方回應沒有:「我自己係爽快嘅人,同埋好多事要講信任,冇話要咩條件,信任好緊要,任何事有能力同努力一定有人俾機會,冇呢個實力去求人俾機會都唔會成功,要人俾機會倒不如自己努力,所以做到平起平坐。」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。