《美女廚房》班底合體有望 方力申:《美男廚房》適合Do姐

撰文:葉詩
出版:更新:

賀歲片《你咪理,我愛你!》11日晚舉行慶功宴,有份參演電影的演員方力申表示自己為了角色下了不少苦功:「其實祖藍俾咗梁祖堯嘅舞台劇版我睇,我已經覺得好大挑戰、好過癮。之後我落苦功去練歌、學唱歌、錄歌。」小方又大讚導演王祖藍為電影付出甚多,團隊的Teamwork也十分好。

說到接下來的合作計劃,小方表示凡事皆有可能。(陳順禎攝)

說到鄭中基、梁漢文和方力申相隔十年於鄭中基演唱會合體,三人之後有機會合作?方力申表示:「其實我自己最期待,我哋三個十年冇同台啦,大家好多回憶返晒嚟,至於話會唔會一齊做節目就隨緣,做飲食節目、綜藝節目又好、棟篤笑、演唱會都有可能,大家有心有時間就一定做到。」

方力申說網台的名字和專頁已經準備完畢。(陳順禎攝)

說到ViuTV向他們招手,再拍《美女廚房》,小方就表示在哪裡做都沒所謂,因在哪裡做觀眾都能看到,觀眾開心就好。問到怕TVB小氣?小方則回應:「唔會,新一輯嘅《美女廚房》我自己都有睇,人哋亦都攞晒獎。頭先阿Bob見到我都話:『我個節目唔係假㗎!』都係大家搞笑。」問到有機會開《美男廚房》?小方就說:「《美男廚房》就唔洗我做啦,最合適嘅當然係DoDo姐!其實咩都有可能。」