【反黑】續集無個有好下場 招積一出場就死?張建聲:已無回頭路

撰文:
最後更新日期:

第一季ending並未有交代招積以及龍頭棍的下落,導演宋本透露第二季招積會死得好血腥。

4K網劇《反黑》前年播畢,續集終於要開拍,並以96年嘅香港作為背景。既然劇本已寫好,導演宋本中除透露出演陣容之外,亦分享了《反黑2》的劇情發展方向。「招積第二季一開始就會被人一鎗打爆頭!」玩到咁盡?!爆咗頭是否代表之後唔會出現呢?導演就只係笑而不語。之不過,拓積作為唔少網民都喜愛嘅角色,相信導演絕對唔會咁快判佢死刑。除此之外,宋本中透露《反黑2》亦會出現類似Harley Quinn(小丑女)的角色,並指「呢個角色會係世界第一女殺手」
 

第一季做臥底嘅陳國坤,喺第二季將會正式成魔,做社團話事人,並且同B1-1對抗。

又係時候回一回帶:《反黑》第一季嘅結局,係講述招積被拘捕時,何國榮飾演嘅大Sir突然現身,並以「呢個係情序」為理由,將招積帶來。車上,何國榮為追問龍頭棍嘅下落,開出特赦等條件,點知原來呢個招積係陳國坤,而真。招積……劇情就未有交代被收押喺邊,而最後一幕係招積再次被問及龍頭棍下落,以一個奸笑作回應。導演宋本中表示,由於招積持有龍頭棍,所以引來各方追殺。「續集一開始就講佢終於被收監,期間發生咗啲事,而佢嘅就之後就會被人一鎗打爆頭。」

B1-1組員喺第二季基本上無個有好下場。

如果以為招積爆頭,其他人就會好過咁就大錯特錯了,宋本中表示B1-1組喺第二季將會「個個好慘」,事因陳國坤飾演嘅張Sir正式成為和興盛話事人,為了好辦事,於是將B1-1組員逐一鏟除:彭敬慈飾演嘅大鵬因為發生意外而連警察都無得做、陳嘉桓飾演嘅Heman亦會因事故而性情大,而陳小春飾演嘅鳳凰喺眼見眾人下場如此慘烈,亦步向崩潰以及絕望的地步。

招積因龍頭棍而被追殺。

對於招積被爆頭處死一事,張建聲接受訪問時表示自己都係收到劇本無耐。「因為呢個悲劇反派喺第一季所做嘅一切,已經無回頭路,警察、黑幫甚至政治部嘅幕後黑手都想去除呢個計時炸彈,所以摌除佢似乎係理所當然。我自己睇完劇本之後,都會替招積感到十分可憐,但之後故事嘅推進,或招積會否已成歷史?一切仍商討中。」聽張建聲嘅語氣,似乎招積仲未走到盡頭咁喎!而佢亦透露已收到宋本中導演的召喚,隨時ready開工。「希望支持《反黑》嘅觀眾再稍等一下,沒有最好,只有更好,謝謝。」
 

+8
+8
+8
+7
+7
+7


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。