【福爾摩師奶】監製評分演技「有尷尬感覺」 陳瀅:我會再努力

撰文:
最後更新日期:

《福爾摩師奶》一劇中,陳瀅飾演高級交際花魏素嘉一角,亦是她入行以來較重戲份的一套。劇集踏入結局周,觀眾最期待的,當然是「誰是開膛手?」陳瀅今日出席劇集宣傳活動時,被問及是不是開膛手時,她回答說:「係咪吖?話係你又未必信、話唔係你又未必信。講真,我真係唔記得,哈哈哈。」

好想知魏素嘉係咪開膛手。(網上圖片)

劇集成功吸引觀眾,除了劇本出色外,一班演員都功不可沒。監製方駿釗今日接受《香港01》訪問時,就給了陳瀅這位演員75分,並留下評語:「工作好認真,靚得嚟有少少Cool,仲有啲Dark,個角色係度身訂做畀佢。佢層次可以再做得好啲,Extreme嘅戲佢做得好好,相反地冇乜嘢嘅戲佢Handle得唔好,反而有尷尬嘅感覺。」陳瀅知道自己有75分時,即說:「多謝監製!」

陳瀅表示自己會經常上網上討論區睇網民留言。問起有冇「連登」帳號,她表示自己不懂開戶口,但也會看網民留言。(葉兆康攝)

「始終我都係新人,好多嘢都做得唔夠好,就係靠鼓勵囉。」並承認自己確有不足之處。陳瀅:「我第一次演戲嘅時候真係唔好,因為冇嗰個基本功,我覺得要練出嚟嘅。而家過咗幾年,其實都多咗人講:『陳瀅唔再係個花瓶,都做到少少戲。』其實見到呢啲係開心嘅,因為外貌好影響到人哋對係演技嘅評語。因為外貌太過出眾嘅時候,好多時候會難做戲啲,好弘時候唔可以好誇張,要攞個平衡。呢個我仲拿捏緊。」

網民普遍都說,今次陳瀅演技大有改進,少了說她是「花瓶」。(網上圖片)

被問及是否有「女神包袱」呢?她回答說「不」,並說了一個例子證明。「好多女仔覺得呢個角度靚啲,呢個角度瘦啲,但係我從來都唔會。甚至乎我會加好多核突又唔需要嘅動作落去。正如好似之前拍《跳躍生命線》,嗰場戲冇乜特別,咁不如我做呢嘢,就突然間撩鼻屎,而播咗出街。我覺得呢個位可以生活化啲,就會做呢啲嘢,所以我冇嗰樣嘢(女神包袱)。」

有圖有真相,陳瀅話呢個動作係自己加嘅。(截圖)

陳瀅近來身型清減了不少,她表示是因為工作太忙所致。(葉兆康攝)

+4
+3
+2
+12
+11
+10


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。