袁富華演戲生涯中首嘗「吊威也」 金像獎臨近以平常心面對

撰文:
最後更新日期:

電影《冥通銀行特約:翻生爭霸戰》今天(27日)舉行開鏡拜神儀式,戲中主演之一袁富華(Ben)今天也有出席,他戲中角色是飾演蘇麗珊的爸爸,Ben哥他透露戲中主要負責親情的部份:「我角色主力做得溫情少少,係做一個爸爸對小朋友嘅愛係寵愛定溺愛。」

Ben哥直言想再多嘗試吊威也,因為感覺很好玩。(陳順禎攝)

演戲多年的Ben哥直言今次拍戲有新突破:「我第一次吊威也,拍咁多年第一次,因為拍個時講我係機跌落嚟,要做到鏡頭前跌,所以要吊威也,咁劇組都好好,知我未吊過,所以逐少逐少畀我試咗降低先,出嚟效果都好好,原來我唔驚,好好玩。」

Ben哥透露最近在拍攝電影《拆彈專家2),指在戲中也有一點動作場面。(陳順禎攝)

Ben哥憑著電影《翠絲》獲提名今屆金像獎「最佳男配角」候選之一,下個月便是金像獎,他指現在工作比較忙碌不去想:「我忙就冇乜時間去諗,又緊張又唔緊張,叫自己平常心,始終每一個提名都有實力,雖然話好多人講我OK,但我覺得唔係,唔一定十拿九穩,但主場拎到緊係特別開心,始終係自己一個成長嘅地方,同埋喺呢個工業咁多年,幾難得可以上到呢個舞台。」

+4
+3
+2

即刻投票,揀選你心水男、女主角,仲有你最撐嘅香港電影,即有機會獲得戲飛。《香港電影我撐場.民選大獎2019》投票專頁:https://voteforhkmovies.hk01.com/



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。