亞視永恆不再? 陳煒不知娘家大幅裁員:冇留意佢仲喺唔喺度

撰文:林迅景
出版:更新:

亞洲電視今日(28日)宣布裁減人手,據消息指,整個製作部員工全被裁走,只留下一名監製。亞姐出身的前亞視藝員陳煒(煒哥)今日出席無綫劇《福爾摩師奶》演員聚餐時接受《香港01》訪問,表示對消息毫不知情:「其實我已經冇亞視嘅消息好耐,都唔知佢仲有咩製作,完全冇為意佢仲喺唔喺度。」

不知不覺,《福爾摩師奶》已到了高潮的最後2集,煒哥表示對台前幕後的演員及工作人員都十分不捨。(陳順禎攝)

煒哥續說:「因爲打開個免費台已經唔喺度,所以唔知道。」她聽到記者說「亞視整個製作部員工全被裁走」後,即反問:「炒晒咁即係點?唔使做呀?(聽講剩返一個監製?)咁要嚟做咩呢,淨返一個監製即係斬晒啲手腳。(唔會唔捨得?)其實由亞視熄機嗰日,即係夜晚12點變咗藍畫面嗰一下,我已經覺得(亞視)冇咗。我對過去冇話特別唔捨得,只係認識好多工作人員,我諗佢哋可能會徬徨啲。」煒哥又表示,在5月3日的「A記同學會」聚會時會再了解一下。

陳煒(煒哥)於1996年參選亞洲小姐奪得冠軍而入行,參演多套劇集並於2008年結束與亞視約12年的賓主關係,都算是老臣子之一。(陳順禎攝)

點擊下圖觀看更多相片:

+4

即刻投票,揀選你心水男、女主角,仲有你最撐嘅香港電影,即有機會獲得戲飛。《香港電影我撐場.民選大獎2019》投票專頁:https://voteforhkmovies.hk01.com/