【粵講粵㜺鬼】當舞台劇演員12年 鄧智堅入TVB:想多啲人識!

撰文:林迅景
出版:更新:
節目中的「火水哥」看似是「新人」,其實演出經驗比不少TVB藝人更多。(截圖)

《粵講粵㜺鬼》至今已播出5集,無論收視以至網民評語都算不俗。節目除了有經驗十足的麥美恩(Mayanne)以及許文軒(Edmond)外,再加上戴祖儀(Joey The)以及鄧智堅(Eric)這兩位「新人」,簡直是火花十足,又笑料滿瀉。節目給予觀眾粵語知識之餘,又能帶來歡樂,實在非常成功。雖說鄧智堅是電視熒幕的新人,但其實演藝生涯已有12年,同時也是舞台劇團的藝術總監。

鄧智堅也有份演出舞台劇《HIHI 大爆炸》。(網上圖片)

演藝畢業 曾演逾40套舞台劇

來自舞台劇界的鄧智堅,主修表演系畢業於香港演藝學院。畢業後隨即加入舞台劇界並先後演出過60多套舞台劇,狄以達、火雞姐丁可欣、楊樂文(MIRROR隊長Lokman)、方詠琳(首演)合作演出的《HIHI 大爆炸》、黃秋生編劇的《夕陽戰士》等都有他的出現。他在擔任演員外,近年也著手培訓新人,創立了「心靈客棧」劇團之外,更經常開辦戲劇工作坊,周秀娜、梁釗峰(C AllStar)、Super Girls等,其實也是他的學生。身兼數個身份的他,其實還會兼任編劇及導演,2009年的《潮性辦公室》其實也是他的筆下之作(PIP劇場《潮性辦公室》由詹瑞文,翟凱泰,楊詩敏,鄧智堅,韋羅莎共同創作)。

鄧智堅在節目中形象百變,因著舞台劇的多年經驗,每個舉手投足都有「戲」。(截圖)

加入TVB 冀吸引觀眾去看舞台劇

鄧智堅接受《香港01》訪問時,談起加入TVB的因由。「之前拍《最緊要好玩》嘅時候係Freelance形式,後尾就係監製小慧姐搵我話:『不如入嚟試下啦,又可以多啲合作機會』。其實我加入嘅原因都係想多啲人認識我。你知自己搞劇團,舞台劇100%收入都靠賣飛,所以觀眾係好緊要。先唔講錢,舞台劇係需要引發觀眾共鳴,觀眾會買飛入場,先可以生生不息做落去。我冇咁偉大去改變市場,所有唯有去改變自己,希望入TVB嘅同時,能夠吸引多啲觀眾去睇舞台劇。」

FYY的「兵仔」火水哥也是舞台劇之中,產生出來的角色。(網上圖片)

FYY的「兵仔」火水哥 舞台劇Crossover電視

「呢個算係第一個我一展所長嘅節目!」談起在《粵講粵㜺鬼》中的演出,他這樣說。「有樣嘢唔知大家有冇留意,其實『火水哥』(節目中出現的『宅男』),呢個角色其實係《HIHI 大爆炸》入面火雞姐嘅『兵仔』,大家再留意下,喺《粵講粵㜺鬼》入面,佢每一次出現場都係做女嘉賓隻『兵仔』。呢個都係其中一個將舞台劇嘅嘢同電視Crossover嘅例子。」

談及關於「收入」這個較現實的話題,他坦言收入的確有減少。「收入唔多係真嘅,舞台劇產量亦會少啲,但係同時入咗TVB又多人認識我,電視台都有帶畀我其他工作。我覺得都係機會換機會,真係咩都要試下。」

+8