【鐵探】開Live回應木訥負評 袁偉豪認壓力爆燈:控制唔到自己!

撰文:林迅景
出版:更新:

無綫劇集《鐵探》現在播映中,首集錄得7天跨平台總收視29.5點,成績相不錯,而劇中飾演「垶Sir」的袁偉豪更被網民大讚搶鏡、好演技。不過同時亦有網民持相反意見,覺得他「講嘢冇氣」、「好木」、「完全唔似以前個袁偉豪咁好睇」。昨日(4月11日),他就趁著空閒時間,開Live與網友傾談心事,足足開了近2小時Live,亦藉著這個時機,一一回應了網民的負評,以及解釋為何將垶Sir演得這麼木納。

有網民都批評,袁偉豪今次的演技「有氣冇力」,不想多看。(網上圖片)

接拍《鐵探》後得知爸爸患病 壓力爆燈

袁偉豪:「2018年年頭,喺香港影視節入面,宣布將會開拍《鐵探》,同一時間3月份亦都知道我爸爸病情報告,當時突然之間我係覺得好大壓力。當然我係睇得好重,要把握呢個機會,但係同時間亦都面對緊我人生嘅改變。同時間,我亦都接咗個頭髮健康產品代言人嘅廣告,知道要做代言人,其實壓力更加大。當時,真係因為呢幾件事,弄巧反拙,壓力好大,又甩頭髮。」

袁偉豪在Live中分享他激瘦時的照片。(截圖)
《鐵探》劇中講述「垶Sir」因為頭部中槍後患上創傷後遺症,而需要呈現出病入膏肓的狀態。(網上圖片)
+2

與紅姐夾戲鬧交未如理想

他續說:「其實當時都諗緊,垶Sir呢個角色可以點做呢?係咪可以減肥,直至到5月份開拍咗2個星期左右,我爸爸就喺5月16號離開。我即刻就同劇組請假,話有啲事要處理,希望劇組可以俾少少時間我。處理咗2日之後,第3日就返去開工,我亦都知自己要集中返做呢個角色,亦都冇將自己個人情緒帶返去工作地方。係囉,照樣平時開工拍嘢咁。拍到有一日,就係聽晚(4月12日)嗰集,大家應該會見到我同紅姐喺會議上面頂撞。嗰場戲其實我拍得好唔順,同時間拍《鐵探》嘅時間已經要減肥,食嘢又唔可以好放縱,又要控制自己意志。拍嗰場戲其實好唔爽,唔爽嘅原因係控制唔到自己,但係控制唔到自己嘅原因係身體真係唔夠能量,食嘢食得好少。」

袁偉豪表示,這只是一個個人分享,並不是想解釋為何角色會演得這麼「冇表情」。(截圖)

對於「網民認為張寶兒暗地裡搞是搞非」,在直播當中,袁偉豪也為女友解釋:
【鐵探】開Live明撐女友張寶兒冇搞是非 袁偉豪:佢令我更加率直

我覺得自己好唔專業!

「後來監製同我講,唔多唔少都會因為私人事影響我,但係我做嗰時唔覺,因為我覺得好唔專業,但係內裏係咪因為有問題存在呢?導致會有啲網上朋友覺得:『嘩,真係好唔想聽到你講嘢』、『你講嘢好Flat』,我唔係呢段時間想同大家解釋,而只不過一個分享,喺嗰段食嘢食得咁少嘅情況下,面對咁多嘢、情況轉變,講嘢要用氣,原來好難。大家可能會覺得今次《鐵探》垶Sir同過往演過囓《棟仁的時光》曾棟仁、《三個女人一個「因」》利東佳、《鐵馬戰車》施馬Sir,嗰種咁多力量嘅角色好唔同,但原來當你唔夠力量嘅時候,你係想做都做唔到。」

網民對袁偉豪都有不少意見,有讚也有彈(點擊圖片觀看):

+9
+14
你可能感興趣