【黃心穎許志安】黃心穎首開腔回應:知道自己犯咗好大嘅錯

撰文:
最後更新日期:

黃心穎與人夫許志安於車廂中纏綿,事件曝光後,許志安火速舉行記者會回應,除向太太鄭秀文道歉外,並宣布將暫停所有工作。

黃心穎與馬國明拍拖近三年多,不時以情侶檔搵真銀。(資料圖片)

至於女主角黃心穎至今依然未有蹤影,而身為無綫助理總經理(藝員管理及發展)嘅樂易玲,今午向傳媒透露已聯絡上對方,但似乎仍需要時間去處理事件:「昨晚同心穎傾咗好耐,佢好後悔好後悔,佢知道自己犯咗好大嘅錯,佢好對唔住受牽連嘅人,特別係父母及家人,對唔住公司,對唔住馬明同馬明嘅屋企人,呢一刻佢嘅情緒仍然未平復,公司覺得佢需要休息一段時間嘅。」

黃心穎於車廂中勁進擊,但事件曝光後,即時龜縮,連回應都只係透過樂易玲向傳媒交代。

另外,樂易玲表示有與馬國明聯絡,更大讚對方十分專業,並未有特別要求停工,故今日會繼續如常開工拍攝《降魔的》外景。

【黃心穎許志安】鄭秀文fb專頁封面轉黑色 無聲抒發為感情默哀?

【黃心穎許志安】圈中偷食案屢見不鮮 潛水復出依然吸金!

+15
+14
+13


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。