黃心穎有人撐 港男梁裕恆做「勇者」爆內幕:佢係受害者!

撰文:
最後更新日期:

梁裕恆深夜貼出與黃心穎合照並發文,指自己支持對方之餘,更爆出「安心」內情。(Facebook)

黃心穎和許志安日前被爆在車廂中偷情,雖然事後男女雙方先後公開道歉,其中許志安更獲妻子鄭秀文原諒,但網友仍然繼續追擊兩人,甚至批評在他們道歉聲明按讚、留言支持的人,群情洶湧得令大部分藝人不敢發聲。

不過,娛樂圈中都仍然有「勇者」存在。今日(20/4)凌晨,2016年落選港男梁裕恆(Flow)便在Facebook出Post力撐黃心穎,明指自己知道事件內情:「突然醒起一些事情,不吐不快。醒起有一日佢好唔開心咁同我講因為同男朋友好少機會見面,感情出咗問題,又話愛上左另一個男人係有婦之夫,好內疚。那個是天后的老公,但那個男人說佢哋嘅婚姻一早出咗問題,個男人同佢講會離婚,她才願意跟他一起。」

貼出與黃心穎合照的Flow更寫道:「她只是一個受害者。事件報道後,其餘三個人嘅說話都只在保護緊自己,冇人同佢講過一句公道說話。我亦唔明點解她一句都唔回應,一個人攬晒上身。」他又指黃心穎只是一個追求愛情的女孩子,罪不至死,錯就錯在愛錯人。

【力撐黃心穎】落選港男梁裕恆大起底 曾揚言:我想要知名度!

Flow發表完支持黃心穎言論後,接受《香港01》訪問時,便指自己只是將自己知道的事實講出來:「我係等大家可以多個角度去睇呢件事,我冇話當事人冇錯,但唔係片裏面睇到嘅勾引同主動,好明顯佢兩個嘅關係唔係嗰日開始,可惜大家唔係去思考或者尋求真相,而係去選擇企喺道德高地去踩死一個人,我覺得今日嘅香港好恐怖。」不少網友指他博上位,但他斷言否認:「我預咗係一致負評,我只係想自己嘅良心說話講出嚟,希望大家公道啲睇件事,我唔會再回應喇,我知嘅都已經講完。」又指婚姻出現問題沒有好好處理只會令夫妻互相折磨,勇於面對才能得到幸福。

+9
+8
+7


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。