【鐵探】惠英紅上《今日VIP》越講越興奮 爆埋楊明最後下場

撰文:
最後更新日期:

TVB重頭劇《鐵探》自播出以來一直都是大家茶餘飯後的話題,惠英紅、許紹雄(Benz雄)、黃智賢(阿Ben)、姜皓文等一班好戲之人在劇中大鬥演技,觀眾都非常期待劇情發展。劇集不知不覺已經播出一半,劇情也越來越緊張,紅姐日前與阿Ben及楊明獲邀上節目《今日VIP》時,就率先大爆結局!

惠英紅、黃智賢、楊明齊齊上節目《今日VIP》大談拍攝的點滴。(影片截圖)

在昨日(19日)播出的《今日VIP》中,主持黎芷珊與《鐵探》的3位演員大談拍攝趣事。飾演Madam Man的紅姐在劇中霸氣十足,尤其是駡人時的氣勢更震懾全場,飾演她的兒子的楊明都大爆好驚!但紅姐就解釋一切都是為了投入演出:「喺平時生活中我都希望喺角色裏面,就算同阿Ben好friend,但我哋都會知應該用咩情緒,咁先可以容易啲投入角色。」

Madam Man(惠英紅飾)在劇中氣勢十足,一個眼神就已經足夠霸氣!(劇照)

面對住這位「嚴母」,楊明坦言獲益良多,雖然有一場被掌摑的戲毫無準備,但卻有助激發演技,紅姐笑言:「本來我話唔打,但就喺講對白前我摑咗佢一巴,所以佢嘅反應係真嘅,即刻有眼淚。我打慣咗好識就力,一take過。」雖然紅姐在劇中以文戲居多,但其實一點都不簡單,不止要幾乎無間斷地與多位對手對戲,她更大爆幾位「高手過招」還會暗自較勁:「大家有鬥心,唔可以NG咁多,拍第二take已經覺得好醜,全部都係一take過。就算現場有十幾人,我哋都係一take過。」果然是火花十足!

《鐵探》雲集多位好戲之人,好多場對手戲都十分精彩。(劇照)

紅姐與Benz雄在劇中為博上位在警隊角力,相識多年、合作無間的他們默契十足,但紅姐就笑指經常被對方激親:「佢有時好好記性,有時又冇記性,但佢好叻編劇,佢唔記得下一句對白唔緊要,佢會喺中間加起碼30句先至兜返去佢要講嗰句。我又唔知佢幾時先兜得返,就要不斷搵戲嚟幫佢,所以好慘,啲節奏亂晒龍。」

紅姐與Benz雄在劇中為博上位鬥生鬥死,兩位都超好戲!(劇照)

紅姐與黃智賢的這場疊聲對罵戲相當精彩,兩人的演技無可挑剔!(劇照)

而在劇中勢成水火的紅姐與阿Ben,其中一場在辦公室七情上面鬥數警例,疊聲對罵的戲相當精彩,令觀眾大呼過癮!全程坐着輪椅演出的阿Ben還「控訴」有一場戲被紅姐一掌打到「趴街」,紅姐果然「內力驚人」!她還越講越興奮,更「不小心」劇透了Matt(楊明飾)最後會被殺,嚇到楊明即刻O嘴,露出尷尬而不失禮貌的笑容,可惜還是擋不住紅姐劇透的心:「當佢死嘅時候,我喺度諗我應該點樣處理呢?因為大仔(洪永城飾)死我係用崩潰嘅形式,但細仔死我係用一種靜嘅方式。見到個仔有血,我幫佢抹,幫佢整返好啲衫,跟住就行開。但行到樹林我忍唔到就開始癲,但癲完行出嚟又靜返。」紅姐這段演出精彩之極,將喪子之痛用充滿層次的演出表現出來,難怪監製蘇萬聰都不禁感動落淚!

紅姐越講越興奮!

+3
+2

點擊下圖率先睇紅姐面對Matt(楊明飾)之死的反應:

+28
+27
+26


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。