【二月廿九.專訪】兩大男神點揀? 吳海昕:天佑有大哥哥嘅感覺

撰文:
最後更新日期:

由羅嘉駿執導的ViuTV新劇《二月廿九》,雖然直播收視難以跟無綫翡翠台播出的外購劇《慶餘年》相提並論,但由於故事兼備年輕觀眾最喜愛的燒腦劇情和浪漫元素,配合極之迷人的北海道隆冬雪景,加上大量貼地情節和入肉對白,每晚播出之後,都有大批網民在「連登」討論劇情,就連導演也要現身回覆提問,好不熱鬧。此劇將於周五(13/3)播出第十集大結局,現時劇迷集中討論兩個範圍:首先,第二集已「劇透」會在交通意外中身亡的「外國人」是否另有其人,意味Yeesa(吳海昕飾)或者能夠在2020年2月29日逃過一劫。

其次是故事中段開始浮現的「曖昧三角關係」。面對「暖爐級男神」Ryan(徐天佑飾)和「思考系冷男」余家聰(劉俊謙飾),生於2月29日的「雙魚座女孩」Yeesa會如何選擇?日前吳海昕出席游大東主持的節目《講畀大東廳》時坦言,劇集播出後,無論朋友和粉絲都追問她:最後會希望跟誰人在一起?記者憑直覺斷估,相信Yeesa最終會與余家聰拍拖,言談間Sofiee沒有講出最後答案:「其實Ryan同Yeesa思路好似,所以佢哋嘅戲都係好平淡,天佑個人本身又好隨意,佢之前又拍過好多愛情片,所以佢畀到我一個好大哥哥嘅感覺…」乍聽意有所指,難道編劇真係要讓徐天佑在《二月廿九》裏客死異鄉?

撰文、主持:游大東

短片:李偉軒、詹郭敏

剪接:郭晉傑

攝影:梁碧玲

場地:The Stadium Bar & Restaurant

劉俊謙服裝提供:Loro Piana

劉俊謙髮型設計:Lupus Chui @ Orient4.com.hk

劉俊謙化妝:Carmen Chung @ carmencmakeup_hair

吳海昕服裝提供:Marimekko

吳海昕化妝:Onki Lau

吳海昕髮型設計:Zap Tang @ Essensuals.hk

由游大東主持的節目《講畀大東廳》,每次都會訪問演藝界不同嘉賓,第一集亮相的是ViuTV新劇《二月廿九》的兩位主角:吳海昕和劉俊謙,他倆會詳談拍劇期間的辛酸經歷。(梁碧玲攝)

《二月廿九》劇迷最關心的其中一個議題是:到底吳海昕飾演的Yeesa,最終會選擇「暖爐級男神」Ryan(徐天佑飾),還是「思考系冷男」余家聰(劉俊謙飾),跟對方走在一起?(資料圖片)

吳海昕坦言,Yeesa這個角色是她入行以來遇過最喜歡的角色:「因為Yeesa嘅Character change好大,你都知雙魚座係好孩子氣,好任性,但當佢自己一個孤身喺日本嘅時候,佢會迫住自己要成長,(故事)前半佢好依賴佢嘅朋友,但係去到後半佢會好有勇氣,去Make一啲Decision,去拯救番佢嘅朋友!」《二月廿九》中,Yeesa與她的兩位閨密感情極要好,分別是由張凱娸飾演的嘉嘉,以及李敏飾演的Fiona。(《二月廿九》劇照,李詩卉攝)

一年創作心血 兩個禮拜播完

《二月廿九》自從上星期一(2/3)首播後,網上討論度爆燈,尤其是「連登」影視台至今已經有26篇討論帖,以本地劇集而言是相當厲害的了,但若然只留意直播的收視數字,《二》劇的成績不算很標青,就以首播當晚為例,據了解,平均收視2.9點,最高曾衝上3.3點,而最近兩集,平均收視仍然未能「破3」,畢竟收視率是各大品牌決定是否落廣告的重要考量,如果收視數字只涵蓋電視直播,網上看直播及重溫的數字則沒有計算在內,如何讓廣告客戶知道這套劇集「好收得」?難怪導演羅嘉駿也要在個人Instagram的限時動態高調呼籲:「召喚收視機1000戶觀眾!」冀能夠改變翌日出爐的直播收視結果。

另一個《二月廿九》面對的問題,亦是外界自ViuTV開台以來一直詬病的問題,就是宣傳策略過於被動,很多劇集和節目都試過「播完都冇人知」。今次《二月廿九》安排在周一至周五晚上9點半橫線播出,全劇10集,兩個星期便極速播完,跟早前橫掃兩岸三地的台灣破格偶像劇《想見你》,全劇13集,可以播足三個月,有很大分別,前者累積的口碑,無法更進一步令劇集維持超高人氣,彷彿台前幕後所有心血於短短十數天便耗盡,女主角吳海昕認為這樣相當可惜。「好可悲嘅係,我哋真係成年喇,阿Steve(導演)由創作劇本,佢呢一年都只係專注喺呢個Project上面,但兩個禮拜就播完,佢都好想人哋睇到佢嘅努力。」

擱在吳海昕(Sofiee)膊頭上面的,是由本地著名手造娃娃藝術家劉寧(Ning Lau)設計的張麗紗公仔,Sofiee笑言這是今次《講畀大東廳》她和劉俊謙之外的第三位嘉賓,合掌是劇中Yeesa穿越之前必定會做的手勢。(梁碧玲攝)

在參演《二月廿九》之前,吳海昕與劉俊謙只在ViuTV劇集《教束》裏合作過一次,雖然拍攝時間僅一天半,但今次一埋位便很快進入角色需要的狀態。劉謙說:「我覺得,可能我哋大家個底(性格)都係有認真一面,但同時間又好貪玩,我哋每次對望就會想笑,我會認為嗰啲笑呢,唔係衰嘢嚟嘅,係我同吳海昕兩個演員係有一種微妙嘅默契。」(梁碧玲攝)

劉俊謙指之所以願意接拍《二月廿九》,純粹基於一種直覺,「一來知道係《教束》導演Yellow負責編寫劇本,二來我同阿Steve(導演)喺WhatsApp傾咗一陣之後,雖然我哋真係唔識對方,但直覺話我知,我同佢係會夾到嘅,就係因為咁,我就岌咗頭,但岌完頭之後,都未係好知個故事其實係點。」吳海昕說,《二月廿九》裏Yeesa這個雙魚座女生,充滿藝術細胞,但性格古怪,情緒跳躍,令人摸不着頭腦,「我去演Yeesa,都真係幾大膽,但作為一個演員,能夠演到一個咁多元化嘅角色,係好吸引嘅一件事!」(梁碧玲攝)

港劇冇人理的時代 如何宣傳推廣最有效?

所以問題來了,應該怎辦呢?就連劉俊謙也毫無頭緒,他以去年口碑不俗的ViuTV劇集《教束》作為例子,「嗰陣時真係神來之筆,而家冇得用《二月廿九》嚟到比較,因為《教束》係咁啱配合到社會發生嘅事,今次呢套係純粹一個愛情故事,咁有啲咩可以吸引到香港觀眾去睇呢個故仔呢?唔知,我真係唔知。」「唔知」兩個字背後,是無限慨嘆,劉俊謙承認今時今日「港劇冇人理」的問題非一日之寒,如何令人回歸港劇懷抱,難度極高,「係慘㗎,但又明白嘅,如果香港人要花時間睇嘢,都情願睇Netflix同HBO啦,你話真係仲會留意香港劇集嘅人可能好少。」

說到如何宣傳一套劇,劉謙認為這個問題相當複雜:「點解香港嘅電視劇會搞成咁?咁我哋都到底要做啲咩呢?其實呢個(宣傳)Suppose係電視台嘅責任,咁到底佢哋做嘅宣傳,又係咪足夠可以Arouse(引起)得到大眾嘅Awareness(注意)呢?」記者認為,電視台的宣傳策略固然重要,但自從社交網絡出現後,藝人也可以主動諗諗計仔,劉謙說他們也有想過:「係咪可以叫『神聖幾何學會』成班人一齊做Live?還是整一啲嘢,剛才有人都提議話,咁而家疫情(爆發)嘛,我哋係咪可以送啲口罩,印上《二月廿九》呢個名?咁樣咪勁過喺巴士落廣告喎!」

《講畀大東廳》每次都會訪問演藝界不同嘉賓,下一集請來人氣組合MIRROR其中三位成員:姜濤、Ian(陳卓賢)、Anson Lo(盧瀚霆),以及他們經理人兼《全民造星》系列監製「花姐」黃慧君圍埋一齊傾,講講出道短短一年知名度爆燈隨之而來的各種壓力。

游大東其他文章:

【講畀大東廳第一集】吳海昕劉俊謙極速答應參演《二月廿九》  40日拍完呻辛苦

【二月廿九】劉俊謙率領神秘學會研究穿越    副導上鏡飾演次元專家

《二月廿九》兩分鐘片花出爐   吳海昕穿越至未來北海道預知死期?

在今集《講畀大東廳》的對談裏,劉俊謙由對《二月廿九》應該怎樣宣傳,說到「點解香港電視劇會搞成咁?」:「係慘㗎,但又明白嘅,如果香港人要花時間睇嘢,都情願睇Netflix同HBO啦,你話真係仲會留意香港劇集嘅人可能好少。」(梁碧玲攝)

2014年參選港姐而踏足娛樂圈之後,吳海昕(Sofiee)一直希望能夠向外界證明自己的實力,不過遇上本地影視界滑落,要爭取演出機會殊不容易,對此她有感而發。「上兩個月,因為拍《二月廿九》整親隻腳,聖誕新年期間都走去做物理治療,攤咗喺張床度,望住個天花板,跟住我喺度諗:唉,喺娛樂圈,命運佔咗九成,其餘嗰一成,我覺得自己都好盡力喇!」(資料圖片)

向來又演得又睇得的劉俊謙,早前憑電影《幻愛》奪得「第26屆香港電影評論學會大獎」最佳男演員,亦同時入圍「第39屆香港電影金像獎」最佳新演員,實力備受肯定,不過他坦言自己向來是超級完美主義者,惟踏入「3字頭」後心態轉變,嘗試「亂演」和「演錯」。劉謙說:「當人哋肯定你喇,我同你講:『唔係呀,我可以做得好差㗎!』,咁我嘅心靈就自由,我嘅表演就自由喇!」(資料圖片)

點擊下列圖輯,欣賞更多劉俊謙與吳海昕的精美照片:

+21
+21
+21

《二月廿九》分別在香港和北海道取景,劇照師拍下大量精美劇照,可點擊下方圖輯細賞:

+39
+39
+39


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。