【法證先鋒】張松枝效力無綫多年未去過頒獎禮:做觀眾嘅機會都冇

撰文:
最後更新日期:

綠葉演員雖然未必能被觀眾記住他們的名字,但他們曾演過的角色卻永遠埋在觀眾心中。現年50歲的張松枝在TVB演過各種大大小小的角色,不論是《茶是故鄉濃》中令人恨之入骨的奸角「榮少」,還是近日正於翡翠台深夜時段重播的《法證先鋒》中,既專業又幽默的法證人員Jeff,正反派都一樣演得出色,令人留下深刻印象。雖然他於2012年約滿離巢後已經鮮有在小銀幕中看到他的蹤影,但當年未備受重視的綠葉王終於闖出一片天,轉戰電影圈後發展得順風順水。

張松枝在《法證先鋒II》飾演歐陽震華的下屬。(《法證先鋒II》影片截圖)

張松枝因俊俏的外貌而常被安排飾演情夫、二世祖或奸角,而在《法證先鋒》中飾演法證人員充滿喜劇形式的演出令人眼前一亮。他坦言,無論是奸角或是正派都喜歡,不過卻沒有選擇角色的權利:「邊有得揀吖公司安排嘅!喺大台根本就冇得揀,有得做咪做囉!」張松枝曾堅決表示不會重回TVB,因為覺得自己不受公司重視,更曾因此感灰心:「(灰心)一定有,每次工作都有起有伏,有時做吓大反派,有時又做吓啲連戲角色,就會質疑自己個價值係咪又低咗呢,如果唔係點解會安排呢啲工作呢?啲角色係公司安排,被安排咗咁嘅工作咪會諗,究竟繼唔繼續做落去好呢?好多時候都會咁樣諗。」

張松枝離開TVB已經差不多7年,現時主要參演電影拍攝。(張松枝IG)

身為資深綠葉,雖然對白不多,但如何演活角色、令自己的台詞變得精彩就全靠演員自己的功力。例如在《法證先鋒II》中,張松枝就能把一個專業人員演得很有個性,其中一場30秒的獨腳戲更令人在沉重的劇情中捧腹大笑。這段「玩上司的機會不多,這次要有仇報仇玩個夠本,起碼吃兩支Wasabi(芥末)喇!」的搞笑對白,原來是松枝的即興發揮:「我(啲台詞)通常都係自己加上去,如果想生動啲,可以自己加上去,而導演又ok嘅,咪加上去囉!」

張松枝在《法證先鋒II》中的精彩爆肚演出:

+5
+5
+5

雖然忠心為無綫服務18年,但張松枝卻從來未有機會出席過TVB的年度盛事《萬千星輝頒獎典禮》,他苦笑道:「冇呀一次都冇!我連一次坐喺觀眾席嘅機會都冇呀,哈哈!(有冇覺得好可惜?)冇話可唔可惜嘅,都係運氣嘅問題,如果真係輪唔到你都冇得強求嘅!」雖然曾經不受器重,但張松枝亦鼓勵其他綠葉不要放棄:「始終都有機會嘅,一定有!」

張松枝(中)很感激《無雙》團隊令他有機會站上《金像獎》台上。(葉志明攝)

《無雙》日前在《金像獎》中奪「最佳電影」,擔任主演的張松枝與一眾戲中主角齊齊上台領獎。(《無雙》IG)

加入TVB 18年,張松枝從未出席過任何頒獎典禮,日前終於憑《無雙》主演身份出席《金像獎》,一嘗奪獎滋味。(張建聲IG)

「不要放棄」這句說話並不是沒有道理,因為張松枝終於遇上了改變他命運的劇本,就是在電影《無雙》中飾演偽鈔集團成員Bobby,讓昔日的資深綠葉王終於首次以主要演員身份行紅地氈,更首次踏上《第38屆香港電影金像獎》頒獎台,與《無雙》團隊攜手奪得「最佳電影」大獎:「其實每一個演員都好想企喺台上面,好想參演嘅電影可以攞到獎,呢個心情真係好興奮!」

張松枝表示很感謝發哥周潤發,在《無雙》中對他多多照顧。(張松枝IG)

轉拍電影已經有大約五年時間,張松枝坦言與之前在TVB拍劇相比開心了很多,而且拍攝態度亦有所改變:「休息時間多咗,態度亦認真咗好多,同導演溝通得又會比較好,每場戲都會有商有量,但係如果係TVB電視劇一定唔可以,因為時間嘅規限,拍嘅時間太短,每場戲都要自己搞掂,唔會好細膩去做,會粗略地去做。電視劇做出嚟好受歡迎,而觀眾覺得演技好好嘅,其實有三、四成都係撞彩㗎咋!」

張松枝透露剛剛完成網劇《義無反顧》。(梁碧玲攝)

張松枝現以拍電影為主,而間中都會接拍其他電視台或網絡劇集,不過依然周不時都會被問道:「啲人成日都會同我講,『點解呢排喺電視見唔到你?』,我就會同佢哋講話我冇做(TVB)喇,如果我有電影戲飛喺身我就會派畀佢哋去睇!」

點擊觀看更多張松枝近照:



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。