黃心穎累多套新劇壓倉底 男一張振朗:無諗過咗去嘅事,期待新作

撰文:
最後更新日期:

安心出軌事件餘波未了。

上月黃心穎與許志安被爆出的士車廂激吻事件轟動全城,兩人形象插水要即時停工,復工無期,演藝事業凍過水。而心穎早前已拍好的《法證先鋒IV》,該劇總監梅小青就親口證實了需要刪走她的戲份,再由他人替頂她的角色重拍。另外三套心穎主演的新劇,包括《堅離地愛堅離地》、《丫鬟大聯盟》以及《牛下女高音》則恐怕會播出無期,永遠淪為倉底貨不見天日。《香港01》訪問了無綫製作部助理總監 (戲劇製作) 徐正康,問他《堅離地愛堅離地》以及《牛下女高音》這兩套劇會否有機會好似《法政IV》那樣可以重拍。

《牛下女高音》播出無期。(資料圖片)

徐正康說:「我哋未有咁嘅打算,因為我哋兩套劇都已經係完全完成晒㗎喇,咁所以如果重拍呢,會有一定嘅複雜性囉。」如果只是重拍有心穎的部份可以嗎?對此他說:「呢兩套劇個角色安排係有啲唔同嘅,戲份亦都係有啲唔同嘅,而且如我所講啦,兩套劇都已經製作完成晒,大部份其他演員亦已經入咗劇,佈景、服裝各樣野都已經冇keep,所以就算淨係重拍某一部份,都係相當複雜,所以暫時未有咁樣嘅諗法。」至於兩套劇是否無機會播映,他表示:「我哋當然希望可以播出,應該會睇住個情況發展再同節目部研究。」

張振朗喺呢兩套劇入面都有份做男主角。(資料圖片)

而問到為該兩套劇擔任第一男主角的張振朗,可會擔心這兩套劇會永不超生?他回覆《香港01》表示:「無諗過咗去嘅事,啱啱完成咗套《極度怪咖》,已經用咗好多心神,自己亦好期待。喺到都好想答謝所有支持同期待睇到我新劇嘅朋友,希望大家可以繼續咁支持我,同埋嚟緊播出嘅《機場特警》,多謝哂!」

+12
+11
+10


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。