【娛樂風雲】陳炳銓新劇角色參考王家衛:要活喺自己世界裡面

撰文:
最後更新日期:

陳炳銓在《娛樂風雲》劇中角色「周克偉」是以王家衛為原型。(陳志嵐攝)

ViuTV新劇《娛樂風雲》處境喜劇講述各種香港娛樂圈中趣事,劇情還銜接了早前劇集《做演藝嘅》的故事線。今日是劇組第一天開工,主角何啟華、李麗珍、黃奕晨以及陳炳銓都有參與拍攝。陳炳銓接受《香港01》時表示他在戲中飾演一名導演,還說其外表裝束是參與考了一名本地導演。「我喺劇入面有個花名,叫Long-停偉,因為真係好鬼藝術,經常『Long-停』,好明顯我係扮緊王家衛啦。成套處境劇,我都係拍住阿Dee嘅角色(杜魯福),一路活喺自己世界內,一堆嘢要去做,但係結果都係玩死佢。」

陳炳銓表示因為工作太忙,而未有空陪李佳芯入場睇《復仇者聯盟4:終局之戰》。(陳志嵐攝)

問到劇中的導演是否一個成功的導演?這時候,他背後印有「周克偉」三個字的海報卻馬上掉下了,連陳炳銓也忍不住笑場。他笑著說:「喺意識形態上,我覺得同頭先張海報冚落嚟嗰嘅道理一樣,個角色本來係喺外國攞獎,但係返到嚟拍電影係『仆直』嘅,哈哈。通常都係啲演員紅到,係我紅唔到啫。」問到扮王家偉的技巧,他分享說:「我真係唔知佢日常生活係點,所以我就睇佢啲訪問。我見佢睇所有嘢都幾認真,如果要演,咪得閒活喺自己世界裡面囉,講講下嘢要咪埋眼望人。」

話說,早幾日李佳芯就表示需要自己買飛入場睇《復仇者聯盟4:終局之戰》(按此詳情)。那麼他會不會再陪女朋友李佳芯入場?「我都有睇㗎,但係你要明白,一開劇啲時間就好唔穩定。(要分開睇?)總之個重點就係睇完有得傾啦,哈哈。」

+4
+3
+2


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。