【鐵探】何佩珉演冷血狙擊手表現亮眼 捱足8年升呢做副武術指導

撰文:
最後更新日期:

TVB重頭劇《鐵探》進入結局篇,劇中演員的下場亦逐一揭盅!最新一集講到Iris(蔣祖曼飾)及江麗瑤(何佩珉飾)將連環姦殺案犯人是羅彪(鄭家生飾)帶走並嚴刑伺候!而足智多謀營長(吳廷燁飾)亦發現越南女人江麗瑤和Iris有異樣,開搶將江麗瑤殺死!其中,何佩珉由起初飾演跟阿喱(林敬剛飾)深情相愛的純純女友江麗瑤,搖身一變成為心狠手辣狙擊手,表現令人眼前一亮!

「我開了三槍,都沒拿他的命,讓他害怕,讓他看著我,讓他在臨死前一刻記住,越南女人是會反抗的。直至第四槍,我對住佢心臟打落去,見到他死不瞑目的樣子,我真的很高興。」何佩珉飾演冷血狙擊女殺手江麗瑤一角,令人心寒!其實現年27歲的何佩珉是「功夫女王」楊盼盼徒弟,她5歲開始習武,2011年參加TVB武術選秀節目《功夫新星》奪得冠軍後入行,除了參與不少動作劇集的演出,她更會親自上場做「替身」以及兼任訓練動作特技人教官!

何佩珉演狙擊手相當有型!(電視截圖)

點撃下圖重溫江麗瑤死前一刻!

+6
+5
+4

何佩珉接受《香港01》訪問時直認「江麗瑤」一角,為她帶來不少人氣,她更笑言想不到觀眾會記得她的角色名!她更稱能夠與營長(吳廷燁飾)演對手戲,相當榮幸:「拍《鐵探》真係好好玩,營長真係好有氣勢,好帶到我哋入戲!(冇得同紅姐演對手戲係咪好可惜?)係呀,但我哋都有同場,仲記得我攞《功夫新星》嗰陣都係紅姐頒獎俾我!(會唔會視紅姐為目標?)一定會,紅姐打戲又得,文戲又得!」

何佩珉小學時更一度加入香港武術隊「跟操」,現在已是能獨當一面的師傅。(IG圖片)

而何佩珉亦透露目前正為新劇《唐人街》擔任副武術指導,她稱:「係第一次做副武術指導,係武術指導郭振鋒叫我試吓!(壓力大嗎?)都幾大,因為監製文偉鴻想電影感重啲,所以都花咗好多心機去度,開劇前一、兩個月都要訓練啲演員!(做演員辛苦啲定武術指導?)我覺得係武術指導,因為係連少少嘅休息時間都冇,就算有空檔其實都要睇返啲鏡頭同教演員動作,我試過連續4日早接夜、夜接早,真係完全冇得抖!雖然好辛苦,但見到出嚟效果好好都好enjoy!」

何佩珉首次做副武術指導!(IG圖片)

已經8年特技人經驗!!(IG圖片)

點撃下圖睇佢有幾勁!

+6
+5
+4

樣子甜美的何佩珉今年3月正式成為人妻,但她就稱暫未有生B計劃:「始終事業都係啱啱起步,想過埋呢幾年先生B。(平時做替身難免會受傷,會唔會減少打戲?)做呢行皮外傷一定有,但其實佢哋對女特技人特別好,而且做足安全措施都唔怕!」

做打女唔怕影響生B!(IG圖片)

點撃下圖睇更多甜蜜婚照!

+2


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。