【鐵探】劇情創新涉獵警隊權鬥 黃智賢：做寫字樓工嘅人會有共鳴
撰文：吳子生
出版：更新：
黃智賢（Ben）今晚（10/5）出席在旺角舉行的《鐵探》「大結局終極電視送飯」晚宴，一眾演員邊食飯邊睇大結局，現場氣氛熱鬧。Ben表示：「呢個警察嘅角度，對我嚟講有一種情義結喺度，自己又係天秤座，咁所以同我講公平公正，特別有共鳴。」
《鐵探》劇集眾演員今晚出席「大結局終極電視送飯」飯局。（陳順禎攝）
有人就有權鬥 黃智賢：遇到我會避開！
劇集講述警察內部高層展開權鬥，阿Ben直言：「喺其他行業中，有人嘅地方就有權鬥，其實喺戲裏面程Sir都有講過，所以有啲做寫字樓工嘅人，都睇得好有共鳴，都市人睇都會有，如果自己遇到權鬥嘅時候，我係會避開嘅，真係難免會有，只要拍完劇自己做好自己本份，其他嘢我係會唔理，佢哋幾時播我都唔會理，只要盡咗自己嘅力就得。」
黃智賢表示自己好喜愛《鐵探》中程Sir角色，認為以前自己做過警察，覺得比較有種情義結。（陳順禎攝）