【牛下女高音】無綫重拍黃心穎戲份  吳岱融:唔使石沉大海

撰文:吳子生
出版:更新:

吳岱融(鷲哥)今日(14/5)現身將軍澳電視城古裝街為無綫劇集《大醬園》拍攝工作。鷲哥笑言自己從影多年,每次接拍拍古裝劇都是炎熱夏天:「宜家5至6點時間陰涼咗好多,頭先中午1點至兩點嘅時候,每個人個樣都好似想死咁,都不停灌水,但又怕飲得多又會出好多汗,啲衫又唔通風,咁所以無辦法,就係要睇你自己嘅演技啦。」

吳岱融透露忙拍無綫劇集《大醬園》,每日只得幾小時睡眠時間,並笑言不要做演員。(梁碧玲攝)

早前因「安心」事件,無綫決定停播劇集《牛下女高音》,不過近日傳出無綫決定找來江嘉敏全面頂替黃心穎在劇中所有戲份。鷲哥高興說:「成套劇唔使石沉大海,宜家仲拍返係一件好事,起碼可以好快同觀眾見返面,雖然要重拍會辛苦啲,但都覺值得,不過King Sir(鍾景輝)可能會比較辛苦啲,因為補拍嘅時候係7至8月嘅時候,比宜家仲要熱,片酬方面我係知道有,但我唔知道佢哋點計,片酬固然緊要,但能讓《牛下》再重見天日呢樣都好重要。」

無綫劇集《牛下女高音》,無綫決定重拍黃心穎戲份,鷲哥表示高興。(梁碧玲攝)
你可能感興趣