【鋒味前奏】謝霆鋒被追問二選一問題 寧棄頭髮都要返呢樣

撰文:
最後更新日期:

ViuTV節目第十一集《鋒味前奏》謝霆鋒教大家煮香港地道菜式「乾炒牛河」,主持火火認為乾炒牛河雖然唔難煮,但要煮得好食其實相當有難道;而劉翁則說菜係佢平時試茶餐廳點嘅入門菜。

霆鋒教大家煮香港地道菜式「乾炒牛河」。

謝霆鋒亦在節目上分享自己嘅獨家秘訣,先將油均勻塗抹河粉,令河粉可以條條分明,然後再將洋蔥,牛肉過一次滾油,減低洋蔥嘅辛辣味,令牛肉更加嫩滑。

事前功夫準備好,霆鋒將所有材料落鑊炒,火火劉翁見冇嘢幫到手,又開始「搞事模式」不斷向霆鋒發問二選一問題,「假如你老咗,你會揀冇晒頭髮,定冇晒牙?」、「如果世界得返我哋兩個,你一定要揀一個做情人,你會揀邊個?」、「如果下輯《鋒味》你要帶一個助手去,你會揀邊個?」、「你鍾意洋腸定臘腸?」、「如果你下世係女人,你揀天使面孔定魔鬼身材?」搞到霆鋒哭笑不得,最後霆鋒用一句「我揀冇頭髮。」成功令兩位徒弟爆笑收場。



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。