「御用肥仔」易智遠為自己解話 爆前女友墮胎竟然因為張孝全

撰文:
最後更新日期:

日前,TVB「御用肥仔」易智遠在台灣接受當地傳媒訪問時,自爆曾經有女朋友為他墮胎,事件驚動香港傳媒,立即作出跟進,不少網民指他借此事上位。今日,易智遠公開邀請傳媒,為此事仍出交代,並多次表示不好意思,為自己衝口而出的言論負責。

易智遠今日開記者會交代事件。(陳順禎攝)

易智遠在接受《香港01》訪問時表示自己並不是刻意將這件事講出來,更雙手合什表示道歉,他說:「主要嗰日做訪問都已經去到尾聲時間,當時位記者就問啲感情問題,有冇小朋友,結咗婚未。傾傾吓,咁啱嗰陣有單case爆咗出嚟係張孝全事件,原來大家都唔知佢結咗婚仲有小朋友,當時我就有少少有感而發,其實我曾經都有個女朋友落咗小朋友。第二日出嚟報,做咗個標題,其實香港訪問我一路都冇提呢件事,因為我自己都好唔開心,好內疚,因為真係做錯咗,畢竟係一個小生命,我扼殺咗佢。其實我唔係刻意講出嚟,聽到人講易智遠講返呢件事出嚟炒作,其實我完全冇呢個心。」

易智遠雙手合什表示抱歉。(陳順禎攝)

雖然自己未必真心用來炒作,但卻難以阻止別人的想法,而且更傷害了當時另一位當事人—前女友。「我真係想同大家講聲唔好意思,雖然我自己入咗行廿幾年,但面對傳媒機會比較少,冇呢個經驗,我覺得自己係衝口而出講出嚟,其實係唔應該講,就算對自己同嗰位女朋友都唔公平。但冇辦法,已經講咗出嚟,我都會面對,同大家有交代。佢而家好幸福已經好幸福,其實我都冇諗到傳媒咁關心,我一直都冇同佢聯絡,如果新聞出咗街佢搵我,我都會交代返,因為我都覺得唔好意思,將兩個私事講出嚟,我都要同佢講聲對唔住。」希望他將來講說話小心點吧。

以後講嘢真係要小心啲喇!(陳順禎攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。