楊秀惠做品牌生招牌 凡事瞓身親力親為:我會親自講解產品!

撰文:
最後更新日期:

楊秀惠代表「楊秀惠美妝店」參加一連三天(5月14-16日)假灣仔會展舉行的業內大型美容展,身為美妝店老闆兼生招牌的秀惠當然親力親為,每天也有現身美容展打點一切。她說:「上次擺呢個展覽已經好多年前,今次事隔多年返嚟參加美容展,同事用咗好多心機,比起當初第一次參展時,我要一個人搬貨、Set場,今次身邊已多咗好多同事幫手。」所以秀惠為鼓勵員工們,不時會「萬歲」請吃下午茶。秀惠在今次美容展更放下藝人包袱,親自落場向客人介紹產品,主打皇牌瘦身產品的她更化為「楊瘦惠」傳授瘦臉攻略。她笑說:「生意額比平時多咗好多,可能大家見我喺到親自講解產品,加上我介紹瘦身同瘦面產品,大家見完我真人後更加有說服力。」

秀惠放下藝人包袱,親自落場向客人介紹產品。

被視為效法榜樣

今次一連三天的美容展中,現場所見,不少途人找秀惠集郵,期間最令秀惠感到驚喜的是,有很多女士表示視她為效法榜樣:「原來我堅持自己理想嘅時候,同時間激勵咗好多身邊嘅女仔,呢幾日好多女性朋友都走嚟同我講,我係一個好激勵佢哋嘅人物。令佢哋知道創業唔係淨係做一個掛名老闆咁簡單,今次喺現場見到我落手落腳,咁長時間同同事一齊去努力嘅時候就知道就算我係藝人,都可以擺低藝人嘅身份認真去做事。」對於秀惠白手興家的創業故事激勵到身邊不少女性,她有感而發:「唔可以放棄,要堅持理想,唔好質疑自己,好多時覺得自己力量唔夠,只要你相信同堅持,其實一定會做得到,每個人不放棄都可以有自己嘅一番事業。」

+2


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。