Sarika回應「姚子羚事件」︰佢哋幾時一齊,我都唔回應喇

撰文:
最後更新日期:

今日有報道指姚子羚(Elaine)疑似捲入四角關係,搭上夜店Dragon-i董事Raymond Young,更與Raymond的妻子蔡宛珊(Sarika)相識,被質疑「搶人老公」,事件爆出後主角Elaine指自己是在Raymond跟Sarika分開後才跟男方一齊,否認事件。而事情發生至今,Sarika接受《香港01》記者電話訪問,指自己跟Raymond已簽紙,而對於前夫的感情事都不再過問。

今日Elaine親身回應事件。(梁碧玲攝)

Sarika回應《香港01》記者,坦言自己跟Raymond其實在2017年1 月已經分居,她指︰「分咗居之後,所有感情事,又或者佢有啲咩,我都冇去理會,都唔去過問,同佢分開咗之後,我都係努力工作。我識唔識Elaine?我係識嘅,咁都係啲friend嘅friend,至於佢哋嘅關係,或者佢哋幾時一齊,我都唔回應啦,因為我都唔係知道晒所有嘢。」她又指事件發生後很感激身邊的朋友對她的關心,特別是公司老闆Bob。

Sarika又指現時都希望專注工作,做好手頭上的工作。(Instagram:@sarikachoy)

Sarika又指已跟Raymond分居兩年,而她單方面已簽離婚書。早前在網上被瘋傳的錄音中,有一神秘男子聲稱照片是由Sarika發放出去,對此傳聞,Sarika連聲否認,她說︰「咁當然唔係我,我都唔會自找自己麻煩,尤其是我嘅事業叫做依家慢慢好轉緊,我都唔想有啲壞嘅消息去影響到我,試問我又點會自己放料呢?我亦都仲係好care我前夫,因為我哋始終大家一齊咗咁耐,佢對我嚟講係一個屋企人嚟嘅,咁我都唔會專登去做啲傷害佢嘅事。啲報道當中就話有好多其他二三四五奶,咁我嗰啲我都唔會去comment,都唔想特別去回應究竟事件係點樣。(你知道佢同Elaine一齊?)我唔特別去評論佢嘅感情。」

Sarika又指跟前夫現在都會有聯絡,仍然是朋友。(Instagram:@sarikachoy)

一齊睇吓Sarika嘅靚相喇!

+6
+5
+4


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。