程美段因拖糧風波人氣急升 工作接不停：客戶話冇人敢拖我糧！
撰文：吳子生
出版：更新：
程美段（Kiwi）今晚（24/5）親身支持日本人氣攝影大師米原康正，參加他首個在港舉辦的慈善藝術展覽活動。Kiwi表示自己好喜歡米原康正大師的攝影風格，非常有獨特性：「佢哋有意搵我影寫真，大家都有溝通過，佢哋表示下次會搵我影，就係咁覺得變成相逢恨晚，咁惟有等下次啦。」
Kiwi今晚親身支持日本人氣攝影大師米原康正，出席他在港首個舉辦的慈善藝術展覽活動。（陳志嵐攝）
早前Kiwi指杜汶澤拖糧，導致兩人在社交平台隔空駁火互罵，最後杜汶澤出聲明向Kiwi道歉，拖糧風波就此告一段落，但同時讓Kiwi人氣急升，並帶挈工作倍增。Kiwi笑言：「呢兩個月啲期都好忙都好開心，見到啲工作排得滿滿，希望可以Keep住咁啦，最近同啲客戶合作都好開心，而家啲客戶都會同我講放心，佢哋話會準時出糧，仲話而家冇人會敢拖我糧，哈哈！」
「拖糧風波」令Kiwi人氣急升，因而多了工作機會。（陳志嵐攝）