【程美段專訪】向杜汶澤挑機追數走紅 敢言因有經歷:我乜都做過

撰文:
最後更新日期:

程美段向杜汶澤追數事件現已告一段落,此事除了成為香港人茶餘飯後的話題外,亦間接帶動了程美段(Kiwi)的人氣。整件事由「爆料」、「隔空對話」、「杜汶澤公開道歉」至事件平息,都有如電視劇劇情般有高潮起伏兼追看性。不過食足「花生」之餘,大家心底裡可能也會浮出一個「黑人問號」:「WHO?呢個程美段係乜水?喺邊度走出嚟?」就讓她好好的說一次。

有不少人都是透過《為何深夜總是餓》而認識程美段(Kiwi)。(Youtube截圖)

程美段與杜汶澤之間的勞資糾紛,暫且不說是誰是誰非,事實是,阿澤早前已分別在facebook和其網上節目道歉,而在無數Likes、嬲嬲之中,大眾真正的討論焦點,是一個乍看是賣身材的「𡃁妹」,敢於向一個娛樂圈前輩挑戰,更何況那一位還是出名「有嗰句講嗰句」的杜汶澤?因而向她報報以熱烈掌聲。事件之中,程美段的行為應稱作敢言,敢「追糧」、敢出文反擊,甚至是參與拍攝TVB《美女廚房》時被炒,也敢為自己認為遭受不公平的對待而出聲。

先不說事件中誰對誰錯,單是向杜汶澤挑機,就已經值得給程美段幾下掌聲。(梁碧玲攝)

有人同我講過:『你唔適合做呢行!』
程美段

自認性格不太懂說話 程美段:我細細個就俾人恰!

在娛樂圈中,戴著面具待人接物是常識吧?不過她卻經常反其道而行。其實她敢言的性格,很大程度也源於小時候讀書以及家庭關係。

「我細細個就俾人恰!」程美段自言未畢業出社會工作,讀書時期的她其實不太喜歡與同學接觸。「我由細到大都係孤獨精、邊緣人!以前讀中學男女校嗰時都有自己一班朋友,但係都唔係好講嘢(或者說「埋堆」),唔知係咪咁,所以就成日俾人Bully,嗰時佢哋會圍住我,唔知想點又唔俾我走。(你冇反抗?)冇啦,好嚟好去就算。」

程美段Kiwi投訴「老闆」冇出糧 杜汶澤fb澄清:你冇我電話咩?

【美女廚房】美女學徒程美段Kiwi被踢走 TVB PA:下集開始唔使返

程美段以前的照片比較清純,與現有的形象有180度轉變。(程美段IG圖片)

曾同時做三份兼職 儲夠錢報讀物理治療文憑

中學畢業後,她就入讀了物理治療的文憑課程,她說:「媽媽一路都好慳,細個我哋都唔會出街食飯,除咗生活必需品,其他嘢都好少買,所以進修所有費用都係我自己兼職打工儲落㗎。」為了減少媽媽的經濟負擔,她在中學時期就已經開始做Part-Time。「嗰時乜都做過,酒店炒散做過、廚房又有、M記、萬寧、7-11。之後讀完書出嚟,就開始做Model。(簽Model公司?)唔係,係喺啲Whatsapp Group入面自薦做Showgirl,喺街邊派贈品,兩年前一個鐘都有$100-$300嘅。」為甚麼不接酬勞比較多的「私影」?「有攝影師約過我去酒店影私影,不過唔啦,我擔心安全問題。」最高紀錄,她試過試過同時做三份兼職,白天做餐廳,夜晚通宵到服飾店執貨。

程美段說,中學時期的自己甚麼工作都有做過,進修時的費用更是自己賺的。(程美段IG圖片)

自幼父母離婚 小時候已明白窮滋味

單憑上述幾句,已知道程美段很早就明白搵錢要緊,因為她明白窮是怎樣一回事。

「爸爸以前做開飲食業,媽媽就喺酒店做清潔、洗碗。細個住喺港島區,搬過好多好多地方,不過都係離唔開灣仔銅鑼灣一帶,住嘅最多都係二、三百呎屋。其實好細個嗰陣,媽媽喺菲律賓就已經嫁落嚟香港,嗰陣時屋企環境好好多,後嚟係因為爸爸嗜賭,爭落好多錢,喺我小學嗰陣,媽媽先同佢離婚、分開住,先至一個女人揾錢租屋湊大我。」

大眾程美段應該是始於TVB節目《美女廚房》,當時的她也很是出位。(林迅景攝)

【動漫節2018】美女學徒程美段着兔仔睡衣睇漫畫:我覺得幾可愛

【美女廚房】美女學徒程美段Kiwi形象百變 影過藝術全祼寫真

程美段在網上爆紅的原因,其實源自於她的出位火辣IG相 (點擊細圖觀看)

+13
+12
+11

家人被「恰」選擇啞忍 長大後程美段則選擇反抗
她自言,自小就與媽媽兩人相依為命,所以與媽媽特別好感情。「細個我屋企人算係比較弱勢,試過俾人恰,但係好多時我哋都選擇唔出聲、當冇嘢,所以大個咗出嚟做嘢之後,我就同自己講:『我一定唔可以好似佢哋咁,唔可以俾人恰,我要變強,強到可以保護到屋企人!』有時唔出聲,就會更加惡化或者人哋得寸進尺,所以大個之後我都覺得唔可以啞忍。」

程美段自言家人經常被人欺壓,所以長大後不想再「俾人恰」。(梁碧玲攝)

母冀回菲律賓生活 程美段做孝女:我想幫佢買樓!

問起加入娛樂圈後的願望,她就表示現階段希望為媽媽置業。「佢近期就同我講話,佢好想返鄉下,喺香港又冇人冇物。喺香港住咗好多年都唔慣,想叫我喺鄉下(菲律賓)度買樓畀佢,所以就要更加努力。(咁你儲夠錢未,儲足幾多?)未咁快啦!」她說,如果以現時進度,不吃不喝儲半年也有機會在當地買層二三十萬的樓。「哈哈,不過媽咪成日都話我大使,又擔心我冇錢用。我話:『你唔使擔心我,我有錢吖。』跟住我畀(家用)佢,佢就會話:『我唔使啦,留畀妳自己使啦。』就算以前出啱啱出嚟做嘢,佢都仲有畀零用錢我。」

程美段坦言有幫媽媽在菲律賓置業的打算,所以要努力搵錢。(梁碧玲攝)

紅不紅沒法控制 「要諗自己一定得!」

怕不怕自己只會「紅一排」,人氣轉眼即逝?程美段沉思了一會:「要睇你點樣去承接呢樣嘢,呢次為你帶來嗰一下人氣同工作,都要睇你點樣接。咁多工作接到落嚟,又點樣發展更多嘢。我覺得有時候、有啲嘢,自己本身都唔會控制到,或者咁講:冇退路嘅時候,就唔好諗住自己唔得,而係要諗自己一定得。」

場地提供:芝士台

+7
+6
+5


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。