【母夜叉】 陳蕊蕊自爆有細十年小鮮肉力追：太細個搞唔掂
撰文：吳子生
出版：更新：
陳蕊蕊今日（28/5）現身黃大仙新蒲崗片場，為電影《母夜叉》進行拍攝工作。蕊蕊透露在劇中飾演一名靈媒老千，利用塔羅牌技能去呃神騙鬼：「劇中趙碩之係我家姐，佢俾發財哥（邵仲衡飾）害死咗呃晒啲錢，本身我哋幾姊弟都係老千出身，咁所以我會用老千技能去呃返發財哥，攞返晒屬於家姐嘅嘢。」
陳蕊蕊今日現身黃大仙新蒲崗片場，出席電影《母夜叉》拜神儀式。（陳順禎攝）
談到感情近況，蕊蕊透露自己現時仍是單身，身邊不乏追求者，並表示曾經有位小鮮肉男士展開追求：「其實起初大家都係從朋友之間度認識，初頭大家都好啱傾，好多話題，外表睇佢完全唔察覺到佢細過我，可能我個樣後生，事後慢慢發覺到佢原來細我十年，其實佢真係太細過，搞唔掂，自己都鍾意啲成熟啲嘅男仔，因為自己都唔係好照顧到自己，咁所以好希望另一半都可以照顧到自己。」