【鐵探】袁偉豪人氣急升商演騷歌喉搵真銀：唔抗拒做歌手
撰文：吳子生
出版：更新：
王君馨（Grace）和袁偉豪（Ben）二人今晚（27/5）現身中環為品牌香發佈會擔任嘉賓，二人為活動大開金口獻唱。Grace更在強勁音樂伴奏下打頭陣，由兩名女舞蹈員伴舞下華麗登場，即席表演勁歌熱舞，現場氣氛狂熱，看得台下嘉賓觀眾如癡如醉，掌聲如雷。
王君馨和袁偉豪今晚出席品牌發佈會。（梁碧玲攝）
君馨笑言自己今晚表演未算最好：「因為呢排都忙拍劇集《唐人街》，上個星期只同排舞師練習過一次，之後唯有在拍劇期間，放休息時間時自己練習，今日都覺得自己唔夠瞓，啲氣差少少，仲有一星期就拍完，希望之後可以養好自己個身體啦。」
袁偉豪現場大開金口獻唱歌曲。（梁碧玲攝）
Ben透露近年自己多了很多商演獻唱機會：「其實自己都好鍾意唱歌，好享受唱歌過程，咁所以好想在商演上嘗試唔同嘅嘢，多方面發展，不論演劇或唱歌過程，其實我哋都享受，同時可以透過呢個過程，檢視一下自己嘅能力去到邊，如果有音樂嘅發展可以做歌手，自己就完全唔抗拒。」
王君馨認為自己今晚唱歌表演未算是最佳狀態。（梁碧玲攝）