【婚姻合伙人】高海寧被姦戲份要抑壓崩潰情緒 演技獲網民激讚

撰文:
最後更新日期:

由高海寧 (高ling) 以及楊明擔正主演的無綫劇《婚姻合伙人》已進入結局篇,劇情愈來愈緊湊,昨晚播出的一集更有高ling被黃德斌強姦的戲份。劇情講到高ling主動去找黃德斌澄清誤會以及講出自己的感受,黃德斌聽到後非常生氣,喝了酒的他更失控霸王硬上弓,將高ling強姦了。事後高ling當然好傷心,她立即到藥房買緊急避孕丸服食,又躲在醫院的洗手間痛哭,冷靜過後她就對鏡安慰及催眠自己只是好小事,要當作沒事發生,叫自己一定要撐過去。然而,當她知道自己與楊明的婚姻已陷入破裂邊緣,情緒再一次陷入悲痛欲絕之中。

劇情講高ling搵黃德斌講清楚。(電視截圖)

今次這場被強姦戲只有3秒鏡頭,拍攝得非常之含蓄,影住黃德斌將高ling推倒在梳化並壓在她身上,她亦只露出了腰部,這場戲便完了。而戲肉則是高ling事後的連場內心戲,觀眾同網民都大讚高ling的演技,即使沒有大叫大喊,卻完美演繹了那種被侵犯後的悲痛無助感。這場戲的拍攝跟她於2013年播出的《法網狙擊》一場被強姦戲很不同,《法》入面高ling有性感半裸露背鏡頭。

高ling接受《香港01》電話訪問時解釋兩場戲的性質好唔同:「《法》劇係講我俾人打暈咗,而強姦我嘅人要營造出一個我做主動嘅假象,所以將我扮成自己坐直個人咁樣,嗰個露背鏡頭就係要交代呢個劇情。而今次係講黃德斌醉酒行兇,一個鏡頭就足夠講出發生咩事。」

呢幕戲得3秒鏡頭。(電視截圖)

至於高ling是如何演繹到角色的悲慘情緒,她說:「拍當時係幾投入個角色,佢能夠咁冷靜咁理智去面對,係關佢嘅身世事,令佢個人好收埋自己,受過傷會有自我防衛機制,佢內心明明好崩潰但就要咁壓抑,反而比大叫大喊更令人睇得心悒,仲要不停自我安慰,要為大局着想。呢場戲比較後期先拍,所以我已經好熟個角色,如果件事係發生喺我身上,我會癲咗,正常女仔都會癲咗,拍攝呢場戲最難係喊,我喊咗好耐,要hold住個情緒,我喊咗兩、三個鐘。呢場戲分咗兩日嚟拍,嗰段日子我拍到個人嘅心情好低落。」

佢嘅演技獲網民大讚。(電視截圖)

點擊下圖逐格重溫高ling呢幕被強姦戲,以及佢連場出色嘅內心戲:

+20
+19
+18


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。