吳浩康新劇演賤男不怕被定形  欣宜唔稀罕男人送錢送樓

撰文:
最後更新日期:

鄭欣宜 (Joyce) 與吳浩康 (Deep) 出席香港電台舉行的「星學企劃」記者會,將會與大學生合作一些有關音樂上的project。除了唱歌,Deep早前還參與了劇集《PTU機動部隊》的演出,在劇中飾演一名賤男。其中一幕劇情講述Deep嫌棄飾演他女朋友的蔡卓妍不育,怪女友無仔生令他分不到樓,更當眾羞辱對方。對此Deep苦笑說:「點解無人加許我演得個角色咁乞人憎?(驚唔驚被定形?) 咁又唔驚。」Joyce就直言Deep這個賤男角色真的好衰,她說:「好寫實,我知道真係有呢啲人,不過我唔識。」

吳浩康新劇演賤男連欣宜都覺得佢好衰。(梁碧玲攝)

問到Deep可會介意將來的另一半不育,他說:「既然揀得對方一齊生活就唔會介意呢啲,對方都唔想佢自己係不育。」Joyce就表示她不會接受,也不會稀罕另一半以金錢或送樓等物質作為要她生仔的交換條件,甚至是交易:「我唔會鍾意呢啲人,我自己都有能力,靠自己先型。不過如果對方係純粹因爲錫我愛我而送畀我又唔同,咁梗係好啦。」提到她的好友謝婷婷早前自爆已誕下女兒一事,問到Joyce是否早就知道,她說:「我上個月返咗加拿大,有去探佢,佢依家好幸福快樂。其他嘢我唔講喇,留返等佢自己講啦。」

欣宜透露謝婷婷生活得幸福快樂。(梁碧玲攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。