【白色強人】馬國明稱感情事隨遇而安:揸車唔一定要有個人坐隔離

撰文:
最後更新日期:

無綫劇集《白色強人》於星期一(6月10日))就正式啟播,今日(9日)包括郭晉安、馬國明、李佳芯、馮盈盈、唐詩詠等主要演員就齊集參加宣傳活動。馬國明接受《香港01》訪問時,就介紹劇中飾演的醫生角色「唐明」:「佢係一個大男人,同時又好得意,唔貪錢、唔貪名嘅醫生。」

馬國明着起醫生袍都幾英俊瀟灑。(葉兆康攝)

「唐明」不貪名利,實在與馬國明給人的印象有幾分相似。不過他本人就不是十分同意:「我都想!但係就唔係嘅,我個人比較貪錢,名同權我就唔係好大欲望,但係喺香港要養家,冇辦法,始終要市儈少少。我又冇戲入面唐明咁超然,阿媽買餸都要錢㗎嘛!」

馬國明話自己沒有「唐明」這麼超然,又稱與角色正好相反,自己比較貪錢。(葉兆康攝)

奬項都不「貪」?他回答說:「我個人比較隨遇而安,最緊要個過得開心。點為之開心呢?就係同啲朋友飲下嘢、傾下計、踢場波、遊下車河,我係好鍾意揸車嘅。我好享受一班朋友遊下車河,跟住去食個下午茶。」不打算找個女伴一起遊車河,或者早些成家立室?「呢啲嘢隨遇而安啦。我都唔係㗎,一個人揸車都開心,唔一定要有個人坐隔籬,有陣時我都會車埋屋企人去食下飯,都係享受嚟嘅。」不知道車上副駕座的女主人何時才會出現呢?



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。