【如果這樣生活】楊明年少輕狂做錯事 自認曾是垃圾希望改變!

撰文:
最後更新日期:

TVB節目《如果這樣生活》播出後反應不俗,最新一集就由曾經少年輕狂不懂珍惜機會的楊明,講述自己以積極的態度面對自己的過錯,認錯改過,在谷底走過近十年之後,終於一步步走回正軌,不求什麼,只願能為人帶來歡樂。同樣是浪子回頭,楊明去到台灣花蓮探訪一個曾犯下彌天大錯的大哥,令他感觸良多。

楊明曾經因為年少輕狂而犯下很多錯事,試過醉駕、刑毀、悔婚,緋聞女友一個接一個,被TVB雪藏冇工開。他接受《香港01》時亦直認自己很貪玩,他表示:「細個純粹貪玩,就咩都唔理覺得玩係最重要!而每一次出事都係因為飲酒,之後斷片,跟住先會做出嗰啲事出嚟。每一次醒返因為我都唔知……所以覺得自己好恐怖,同自己講唔可以再發生,所以嗰陣係貪玩,未到犯罪,咁我覺得之後經歷事業上低谷,好多人幫我都鼓勵我,演變到而家嘅楊明,所以想分享自己點樣處理低谷,鼓勵返啲人,以過來人身份幫返人。」

楊明雖然後生冇咁嚴重,但感觸良多!(受訪者提供)

點撃下圖睇更多圖片!

而楊明透露這次旅程接觸的台灣大哥曾在年輕時曾參與殺人事件:「佢後生嘅時候就同一班人一齊殺死咗一個人,佢就係幫兇,好多人打一個人點知打死咗。成班人合謀埋屍,埋屍嗰一part佢就係負責揸車,所以判得冇咁重,判咗年幾兩年左右,之後佢好後悔,覺得好對唔住屋企人同埋做一件點都彌補唔到嘅錯事,出返嚟就幫返啲可能會行錯路嘅年青人走返條正路。」

楊明自稱當年好貪玩!(IG圖片/@matyeung)

經過此行,楊明表示:「其實我就一直都好貪玩,但我而家工作嘅時候就會搵啲好玩嘅地方,將自己好玩嘅性格擺喺工作上面,就算有時間都唔會選擇飲酒,出去旅行同朋友傾吓傾,之前會諗自己想去玩,而家會諗屋企人,希望畀佢哋更加優質嘅生活。」他更指:「默默地做返好自己,希望覺得我係一舊垃圾嘅人會睇到我嘅改變!」

事業愛情兩得意!(IG圖片/@matyeung)

點撃下圖睇更多!

+6
+5
+4


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。