【逃犯條例】Do姐電台節目爆喊為學生心痛:香港係我哋嘅屋企

撰文:黃欣華
出版:更新:

修訂《逃犯條例》草案,引發空前絕後的示威及衝突,昨日(16日)民陣官方宣布遊行參與人數高達「200萬+1」人,而警方則表示經原定路線高峰期有33.8萬人,要求政府「撤回」修訂。繼903電台DJ麻利早前於主持節目《口水多過浪花》時讀出一篇《作為70後,我深切向青年道歉》的文章時,幾度感觸落淚,感動了不少節目聽眾。而鄭裕玲(Do姐)剛拍攝完TVB節目《Do姐晚間看地球》外景,回歸電台節目《口水多過浪花》時,一開咪已經語帶哽咽,令人心痛!

「喺過去兩個禮拜,我去咗第二度,係為咗拍我一個節目,但係呢喺當時,我哋收到好多關於香港嘅消息,睇到好多好心痛嘅場面,尤其是我哋香港嘅學生同埋年輕人。」Do姐接着說道:「呢兩個禮拜其實我哋去咗好多地方,要坐好多車、好多飛機。但係最後嘅一程,就係我哋最盼望嘅一程,因為嗰程係飛返香港,香港係我哋嘅屋企嚟。發生咗好多事,屋企係最緊要... ...I'm sorry,可能我老咗,好情緒化。」

Do姐早前離港拍攝外景!(IG圖片/do_do_cheng )
今日重返電台主持節目!

收拾少少情緒後,Do姐再講道:「我哋要珍惜呢個屋企,同埋尤其是我哋嘅年輕人,同埋學生。我好希望香港可以好快回復返平靜,我哋和平相處嘅狀態。中間我有同迪偉(余迪偉)傾過偈,我同佢講,其實我覺得呢,我係一個娛樂人,喺一個咁繃緊嘅狀況之下,我覺得我應該做返我嘅責任。」節目一出,不少網民都表示多謝Do姐,更指她相當有良心!

不少網民大讚Do姐有良心!(IG圖片/do_do_cheng )
不少網民都相當感動!(網上截圖)
我愛你!(網上截圖)
+11