譚詠麟冒雨濕身為撐警集會站台 鍾鎮濤:後生仔講嘢真係九唔搭八

撰文:
最後更新日期:

梁家輝與陳欣健到場。(羅家晴攝)

立法會議員何君堯今日(6月30日)在金鐘添馬公園發起支持警察執法的集會。現場除有過百人出席外,影帝梁家輝以及資深香港電影工作者、前警司陳欣健亦都配合大會主題顏色,穿着藍色上衣出席。在現場,梁家輝被問及出席的原因時,他則表示不會說任何說話。當現場出席集會的人不斷與他合照時,他僅稱警方值得支持。

梁家輝在電影《寒戰》中飾演鷹派警務人員,由散仔做到上一哥的實戰派。(《寒戰》劇照)

梁家輝主演的《追龍II:賊王》即將上畫,在戲中則飾演綽號「大富豪」的悍匪。(劇照)

譚詠麟在撐警台上發言

除現身撐警集會的梁家輝外,譚詠麟、鍾鎮濤以及陳百祥(阿叻)都有出席。現場下著滂沱大雨,譚詠麟、鍾鎮濤亦有上台致詞。譚詠麟:「警察哥哥,你哋辛苦晒。我唔識用粗口講,但係我可以用我哋言語表達,就係,如果再咁落去,香港係冇得救。因為執法人員咁樣俾人攻擊,全世界都未見過。如果大家去過世界各地,睇睇其他國家嘅暴動,係真真正正示威嗰啲俾人扑頭。嗰啲唔好再講,太血腥啦。只能夠講一樣嘢,希望我哋家和萬事興,好冇?我哋繼續支持警察!再咁搞落去呢,冇人可以管治到香港,唯有請一個人出嚟,我話嘅!就係叮噹,同埋大雄,攞個法寶袋出嚟,唯有係咁㗎啫。」

譚詠麟、鍾鎮濤冒雨出席集會,兼上台發言。(影片截圖)

鍾鎮濤:「大家辛苦晒,頭先阿倫講得啱。身為一個演藝人呢,講呢啲就幾危險下,但係我哋而家唔係講政治,我係講正義,正義係每一個人都有嘅。呢啲係基本常識嚟嘅,而家啲老師應該教下啲學生。今日我上嚟嘅其中一個原因,就係畀啲仔女睇下,知道乜嘢係啱,乜嘢係唔啱。因為我睇見好多後生仔,好似真係唔識嘢咁,佢哋講嘅嘢係,粗俗啲咁(形容),真係九唔搭八,我聽唔明㗎。點解會咁嘅呢?孝順父母係應該㗎嘛,奉公守法係應該㗎嘛,所以我嚟呢度支持警察,支持警隊!」

暴雨之下,鍾鎮濤都出席集會,表示撑警。(影片截圖)

同時,藝人陳國坤亦於個人Facebook上分享了一篇由「向香港警察致敬」張貼的RTHK影片,港台記者在金鐘附近訪問一名伯伯。該名伯伯在訪問中表示支持《逃犯條例》:「條例係冇問題,應該做嘅。因為對大部份市民係冇關係,只係對罪犯。」兩位分別在劇中或電影中都飾演過警方人員的演員,都不約而同地,親身或在網上表達對警方的支持。

早前陳國坤都發表過自己意見:
【逃犯條例】陳國坤撐警隊對「暴徒」不手軟:一個都唔好放過

陳國坤在網劇《反黑》中飾演高級督察張Sir。(劇照)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。