張紋嘉IG派比堅尼相福利 絕密囧樣獲網友大讚：正呀！
撰文：秦志鴻
出版：更新：
夏日炎炎，又是一眾女士大騷修身成果的好日子！33歲張紋嘉（Crystal）最近亦趁住放假，約埋一大班朋友仔去船P兼去沙灘暢泳！今日（7日）仲一口氣喺個人Instagram分享咗5張性感比堅尼相，並留言謂：「以前每年夏天，都要影水着。其實在海裏影到一張漂亮正常的照片，一點也不容易。要必須經歷挫折風浪，但只要堅持，你一定影到一張你心儀的照片。」相片入面嘅Crystal少女味十足，目測比佢真實年齡年青10歲！再加上最後一張嘅「囧樣」，令到唔少粉絲都大讚佢可愛！