【仇老爺爺】盧巧音獲邀演母親 讚游學修夠大膽:生理上生得佢出

撰文:
最後更新日期:

盧巧音(Candy)今日(7/7)現身ViuTV新劇《仇老爺爺》宣傳活動。《仇老爺爺》一劇中,盧巧音飾演游學修的媽媽,由於兩人年齡相差僅16歲,所以游學修曾在Instagram坦言:「搵Candy演呢個戲,我於心有愧。」不過Candy則處之泰然,反而對自已飾演媽媽感新鮮:「好Surprise(驚喜)有後生仔搵我做媽媽,睇落都唔係好似,我覺得佢幾大膽。生理上我都生得佢出,所以都冇乜所謂啦,只要喺梳化服(梳頭、化妝、服裝)搞搞佢就得啦!」

盧巧音在《仇老爺爺》飾演游學修的母親,她直言阿修大膽,笑指自己外貌不像媽媽。(陳志嵐攝)

游學修曾在Instagram坦言,邀請盧巧音飾演母親一角,實在是「於心有愧。」(IG/@neoyau19)

Candy仍未為榮升人母,所以Candy演出前多多觀察身邊母親的行為舉止和衣着,以揣摩如何演繹媽媽:「嗰段時間搭多啲交通工具,去多啲街市,盡量聽下媽媽啲語氣係點,睇下某啲媽媽着咩衫,某啲媽媽講咩話題,行路步伐有幾齖齰,襯衫有幾核突,呢啲都要學習啦。」問到Candy有否深入「媽咪Group」,窺探媽媽們的真實想法,Candy笑言身邊有不少當媽媽的朋友,即使未有加入群組,仍如置身「媽咪Group」一樣,所以詢問有關媽媽的資訊和想法亦非常方便。

其實Candy僅年長阿修16年,不過Candy認為自己「生理上我都生得佢出」。(陳志嵐攝)

為了揣摩如何演繹媽媽,Candy細心觀察周圍媽媽的行為舉止、衣著打扮和語氣。(陳志嵐攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。