【逃犯條例】肥媽激動主持集會 豎起拇指「畀Like」:支持警察!

撰文:
最後更新日期:

肥媽(Maria Cordero)和陳百祥等藝人今日(20/7)到添馬花園,擔任「守護香港行動」主持,支持警方一直以來的行動,其中穿着白衫的肥媽在台上極激動斥責議員:「好心,你哋讀咁多書,唔好害人哋啲仔女啦!你自己個仔就叫佢走,害死人咩你哋!」之後肥媽更邊落淚邊說:「300幾萬選民,你哋去咗邊度,點解唔出嚟選,點解佢哋入立法會?係你哋自己唔出嚟選,自己嗰票唔用,俾人哋入去。我哋有300幾萬人係有選票,你哋居喺屋企唔做嘢,唔該大家嚟緊一年選返啲真真正正嘅人出嚟入立法會啦。」呼籲市民能夠出來投票支持應該支持的候選人。

她又勞氣地指年輕示威者被教壞或「被陰」,應該心平氣和表達意見:「又冇人殺咗你老竇老母!」之後,她亦有豎起拇指,呼籲在場人士能夠見到警察時,可以做出同樣手勢以示支持。

肥媽希望與會人士能夠日後向警察舉起姆指「畀Like」。(01直播)

肥媽和阿叻今日擔任撐警集會司儀。(葉志明攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。