【娛樂風雲】袁富華拍劇「拒絕」傳授演技 反而向年輕演員請教

撰文:
最後更新日期:

袁富華(華哥)今天(21日)出席ViuTV全新處境喜劇《娛樂風雲》的記者會,華哥這次角色是飾演經理人公司一名高層,他說劇中不少搞笑場面對他來說相當高難度:「我其實板斧有限,慢慢拍下先搵到個節奏,我自己就喺人物角色入面,改咗少少設定,咁先至有火花,去到最後,就會有好笑場面岀到嚟。」

【娛樂風雲】MIRROR四子首次拍劇 Stanley邱士縉想畀人鬧

袁富華已經是第六次為ViuTV拍劇:「我自己都唔知拍咗咁多套!」。(葉兆康攝)

努力與年輕演員溝通 袁富華:我會請教佢哋!

談到這套劇集,劇中加入不少年青演員,例如MIRROR及ERROR等,今次Ben Sir和他們合作,笑言完全被他們的青春氣息感染到:「其實拍完套劇我應該同ERROR最熟,尤其係阿Dee(何啟華),我經常都有係唔同平台同佢有交流。我其實成日都同佢哋玩,初初佢哋見到我都唔敢同我開玩笑,以為我好嚴肅,當然有時候後生而家講嘅嘢我都未必明,我都會請教返佢哋點解。」

華哥透露接下來會忙着拍電影和舞台劇演出。(葉兆康攝)

不敢傳授演技:我咁做佢哋未必要咁樣演

Ben Sir演藝生涯經驗豐富,又憑《翠絲》奪金馬獎和金像獎最佳男配角,不少年青演員也想在他身上偷師,但他直言不敢教導他們,只能是分享:「佢哋成日叫我教,我話冇得教,我咁樣做戲時候,佢哋未必要咁樣做,所以我只可以分享一啲我演戲方法畀佢哋參考。」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。