【專訪.有片】車婉婉重返TVB拍劇怕冇人識:自己係上一代嘅歌手

撰文:
最後更新日期:

歌手出道的車婉婉,在娛樂圈打滾已經27年,曾經是第十一屆新秀歌唱大賽冠軍的她,一首與許志安合唱的《會過去的》唱到街知巷聞,一套《皆大歡喜》令到人人都記得「萬貴妃」。歌、視均有代表作下,08年開始專注在電影發現,作品不多,令到不少人開始慢慢將她遺忘,近年再重翻TVB拍劇,連她自己也說:「我諗可能覺得自己係上一代嘅歌手呢,驚啲人唔識我,所以我會多啲出嚟做多啲嘢囉。」

車婉婉在2017年重返TVB拍劇。(葉志明攝)

2017年,車婉婉事隔九年重返TVB拍劇,由《與諜同謀》、《是咁的,法官閣下》到今年的《好日子》,碰巧都是一年一部劇,加上還未播出街的《牛下女高音》和正在拍攝的《大醬園》,車婉婉在這兩年間已經拍下五部劇集,已經是2017年前在TVB拍劇數量的總和。

車婉婉在劇中飾演張達倫的老婆。(劇照)

2013年,車婉婉與拍拖三年的澳洲籍男友成婚,2017年誕下兒子Justus組織新家庭,但她依然繼續選擇幕前演出,而她揀TVB,是因為覺得劇集可以磨練她的演技。「覺得個人可以喺拍電視劇裡面琢磨吓自己演技,真嘅,覺得自己唔夠好囉做得。其實我都好好彩,好多電影導演畀好多機會我,由無端端唱歌,跟住無端端走咗去拍電影,其實冇人話俾你聽點樣做戲,其實一路都冇學過,又冇去嗰啲學院去學呀咁。」她表示。

車婉婉與兒子Justus的合照。(IG@車婉婉)

車婉婉從歌唱比賽出道,的確沒有接受過什麼演技訓練,但她當時有過一段時間於訓練班學校,不過並不是學戲,她說:「嗰時新秀出嚟咁就夾硬上咗幾堂訓練班咁,嗰時我同呀古天樂佢哋一齊,即係古仔啦,吳家樂啦,同埋張崇基張崇德。」她指當時的經理人部門是為他們幾人特意開設這個訓練班,雖然上堂的日子不長,卻充滿歡樂,但原來演出訓練卻是沒有:「但係你話一啲演技訓練係完全冇,咁你究竟邊個話畀你聽你識唔識做戲呢?可能就係觀眾或者導演用唔用你啦,或者話畀你聽做得好唔好,或者你拍完嗰套戲之後,你自己睇返好似差咁啲嘢,或者好似唔係幾自然,即係你有時自己係睇返自己嘅戲去學習,自己應該點樣做囉。」

雖然冇演技訓練,但車婉婉在訓練班得到不少快樂回憶。(葉志明攝)

重提拍《好日子》的時間,劇集圍繞著圍村的題材,當然要進入圍村拍攝。不少人對圍村都有種神秘感,因為外人甚少會進入,而不少傳聞也直指圍村人相當「惡」,不過婉婉卻有另一番體驗。當時拍攝的時候,她自行駕車進入圍村,而圍村九曲十三彎的小路,很容易使人迷路,婉婉也不例外。她將車泊在一邊,捉著一個路人問路,原來該人正是村長!她說:「我話哥哥我要去嗰個祠堂呀,你知唔知個祠堂喺邊?跟住佢話你係咪拍好日子?跟住我話係呀,跟住佢話我係村長呀,我話吓村長?佢話你係咪搵我個祠堂,跟住我話係呀係呀。」當時婉婉驚覺原來村生可以如上年輕,因為在劇中李國麟飾演的村長已經上了年紀,婉婉心目中的村長也是一頭白髮,雖然說話比較大聲,但卻十分熱心,扭轉了她的圍村的見解。

拍一次劇,又增長見聞。(葉志明攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。