【公子會】不再大癲大肺做自己 麥美恩︰我極嘈因為我Insecure!

撰文:
最後更新日期:

現年32歲的無綫藝人麥美恩(Mayanne) 給人感覺一向非常爽朗又愛笑,再加上在無綫節目《學是學非》的「大癲大肺」形象令人太印象深刻,不過其實Mayanne真實性格並不是那麼「嘈」,更加因為這種形象上和真實上的落差,而影響結識異性?日前她就在商台節目《公子會》分享了這個形象為她帶來的煩惱。

其實Mayanne本身並不是外向的人。(影片截圖)

Mayanne在節目自爆朋友有時也會介紹一些對象給她,但卻連朋友都對她在電視熒光幕前的「活潑」形象太深刻。主持森美說︰「大家經常見你都係『大癲大肺』,鍾意『大癲大肺』嘅男仔行埋嚟,先發現你唔係『大癲大肺』。」Mayanne就非常認同︰「有介紹男仔畀我識嘅女仔朋友都有同我講『其實呢個男仔都應該鍾意啲活潑嘅女仔』,我話:『弊喇,你一定要同佢講喎,我唔係咁㗎喎!』咁依家我咪要好努力咁講多啲認真嘅嘢囉。」也試過有男生問Mayanne!「你長期好攰㗎?」而且她又指不止是約會,甚至是婚宴或者跟朋友的派對,人家也會期待她是搞氣氛或者很多鬼主意的人,乍聽也有點累。

Mayanne指朋友都可能期望她在聚會中是搞氣氛的人物。(影片截圖)

原來只是形象,那Mayanne本身的性格是怎樣的呢?她形容自己為「宅女」,給人感覺外向,但實在是內向的人,會坐在一旁沉思,但在電視上無法表現出來,唯有放大了自己的極度外向,極度「嘈」,因為自己有種「insecurity」(沒安全感)。

Mayanne連IG的相都好鬼馬,其實都幾可愛啊!(Instagram@mayannem)

主持提起Mayanne上一次上《公子會》已是3年前的事,對比起現在,他們也覺得Mayanne表現不同了,比較自信和不用刻意去用電視上的「外向」形象講話,火火話︰「佢畀我感覺仲舒服咗,3年前佢可能仲未穩陣,佢要揸實個形象,就係好典型嗰種(好嘈),唔係真嘅佢,但可能佢依家信心好咗,依家真嘅佢係溫柔啊。」Mayanne也坦言3年前可能對主持們不熟,有點驚,「所以不如都係做返電視上嘅感覺,俾你哋容易啲有話題,但依家熟絡咗發覺,係囉,唔好搞咁多嘢啦。」

點擊下圖看看更多相︰

+5
+4
+3


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。