【公子會】謝安琪爆最初當張繼聰好朋友︰我覺得呢個人都幾多口喎

撰文:李婉文
出版:更新:

謝安琪(Kay)和張繼聰是圈中的模範夫妻,雖然已經結婚12年,但依然常常放閃,甜如初戀。當年二人結婚時,更不獲外界看好,但漸漸地走出屬於他們的路,羨煞旁人。日前,Kay於森美和火火的主持的商台節目《公子會》大談愛情,透露對張繼聰的第一印象,竟然曾以為對方是同性戀?

張繼聰和Kay今年年頭慶祝結婚12週年,sweet爆!(Instagram@louischeung2013)

覺得跟張繼聰「點解咁夾嘅?」 原來一切不是偶然

Kay在節目中講到,當日明明是黃昏有頒獎禮的記者會,但call time卻安排了在下午,地點在半島酒店,然後跟張繼聰下午茶茶聚,主持人都懷疑是否他跟公司「夾埋」?跟張繼聰初初見面時,她覺得跟對方講的話題「好夾」,自己講到什麼,對方都會話︰「我都好鍾意啊。」講到經典電影《慾望號街車》,因為讀翻譯的Kay曾經接觸過,而張繼聰也曾演過這戲的舞台劇,志趣相投下,Kay覺得︰「嘩,同呢個人咁夾嘅,好似講咩都全部好夾咁。」不過,原來結婚後張繼聰跟老婆坦言,自己其實有事先做過research,做過功課,跟她說︰「你覺得嗰日好夾,其實我有夾過吓啲嘢。」原來張繼聰有精心設計過呢,當然也要二人有緣份才能成就這段姻緣。

Kay在節目中自爆,一開始覺得張繼聰「幾好笑」,風趣幽默,又好似什麼都懂,可以教她好多。(Youtube截圖@Hong Kong Toolbar)

謝安琪一開始以為張繼聰是gay? 將他「friendzone」

主持火火接著問Kay,是否當時已經感覺到張繼聰對自己有意思?Kay直言︰「唔係啊,我淨係覺得呢個人都幾多口喎!」笑言只是覺得對方「幾好傾」,但未對對方有感覺,心裏開心「終於識到第一個朋友喇!」但Kay這時大爆︰「因為我覺得佢咁好傾呢,其實我有懷疑佢係gay嘅,因為我真係覺得第一次同佢傾偈,佢全部都話『係啊,我又係啊!我都係喎!』我一開始係誤會咗嘅。我初頭幾次同佢做嘢見面,我都以為佢係gay嘅。」仲話第一次見面後,將對方「friendzone」了,更當他是「閨蜜」!而且覺得對方走路有時「有啲beat」﹑走路又帶風,更有點「姿整」,直言可能因為對方練到大大隻隻,但說話又有點cute,有反差,而令她誤會。火火總結︰「鍾意一個女人都會失控嘅!」

原來張繼聰是Kay在娛樂圈第一個朋友呢!(Youtube截圖@Hong Kong Toolbar)

主持森美和火火分析,覺得有時喜歡一個人,就用一種較易接受的方式去接近對方,有時太「chok」的樣子,自己跟對方都會被嚇怕,所以有時男生可能會用一個較為「同性」一點的形象去「進攻」,營造親切感。男生們,又上了一堂啊!

點擊下圖重溫謝安琪和張繼聰的愛情之路︰

+6