【理想國】ERROR首任活動司儀驚講錯嘢 肥仔︰從未試過咁「硬」

撰文:李婉文
出版:更新:

ERROR四子今日(28日)出席ViuTV劇集《理想國》舉行記者會,四子更是處男下海首次擔任司儀,坦言有些緊張,身為隊長的肥仔(梁業)說︰「我呢個僵硬值嘅度數係去到有史以嚟最高,我從來都未試過咁硬直。」成員阿Dee(何啟華)就直言有時都接不住嘉賓的說話,因為場地的關係,聲音較「散」和有回音,聽不清他們的答話。193(郭嘉駿)就好謙虛,100分滿分,只給自己50分合格,自言正正常常。

ERROR今日第一次做司儀。(劉智源攝)

首次做商場活動司儀,193就指自己不擔心會接不到嘉賓的說話:「因為其實我都癲癲哋,我接咩大家都覺得make sense。」那有沒有感到壓力的地方呢?肥仔說︰「對住吳綺莉小姐,前輩級嘅,如果我哋對住佢,我會好驚『死喇,我會唔會講錯嘢』。」保錡(吳保錡)就表示認同:「我覺得係驚講錯嘢所以就『三思而後行』。」阿Dee續說︰「因為平時ERROR行出嚟做開『主』啊嘛,咁MC就要係『客』㗎啦嘛,所以要搵位畀啲『主』嘅走出嚟,咁變相我哋就唔係好習慣呢種模式,所以有少少錯亂。」

肥仔笑言可能叫他先跳part舞,再做MC,會否放鬆點,事關肥仔最擅長的是跳舞。(劉智源攝)
你可能感興趣