【十二傳說】張本立係酒樓老闆 拍劇鍾意做閒角:行行企企嗰啲

撰文:
最後更新日期:

TVB劇集《十二傳說》正在熱播,昨晚(1日)播出的一集講述電視台殺人事件,在劇中飾演電視台甘監製的張本立(Billy),雖然戲份不多,但經常在不同劇集客串做配角的他,也令觀眾留下深刻印象。其實Billy現實生活中是一位飲食界商人,除了經營食品原材料供應及分銷生意之外,更是尖沙咀頂好海鮮酒家的老闆,估計身價逾億!

張本立(Billy)在《十二傳說》中飾演電視台監製,是陳偉琪男友。(電視截圖)

點擊下圖重溫:

+6
+5
+4

Billy多數在劇中飾演高層或商人的角色,今次就挑戰演電視台監製,他在接受《香港01》訪問時笑言角色「鹹濕」:「今次做一個鹹濕監製,衰衰格格咁,都幾得意嘅。其實我幾鍾意做唔同嘅角色,侍應、的士佬、文員、速遞員都OK。」Billy做演員只有短短幾年時間,但他從來都不介意戲份多少:「我幾鍾意做小人物,最好唔使點化妝,做下街坊呀,行行企企嗰啲,做人形佈景板就最好。(有冇邊個角色最印象深刻?)冇呀,我始終係一個門外漢,而家邊做邊學,希望未來有啦。」

Billy最近參演了新劇《大醬園》。(Facebook@BillyCheung張本立)

家族做飲食業的Billy,是香港漢寶集團其中一位創辦人張錫鵬的細仔。Billy小時候就讀本地名校,中學就到英國留學,之後在大學修讀時裝設計,畢業後任職時裝設計師。但由於1997年一場金融風暴,令他原本的時裝師之路轉變:「嗰陣我爸爸想我接手生意,咁當然我自己都有興趣,覺得可以喺呢行試啲新嘢,始終後生仔有唔同嘅諗法,咪試吓囉,唔經唔覺都做咗廿幾年。」身為酒樓老闆的他,在尖沙咀的舖位正正處於繁華的彌敦道,估計價值過億元,但Billy就謙虛表示:「間舖係我哋自己嘅,不過做生意唔係睇呢啲,當時買嘅時候都唔知會變成點,好多變數。如果我想賺好多錢咁我賣咗間舖就得啦,但做人唔止呢啲,我要對大家負責任。」

其實Billy是尖沙咀頂好海鮮酒家老闆,不少劇集慶功宴都在這裏舉行。(張本立Billy微博圖片)

Billy凡事親力親為,由採購、設計菜式、入廚、甚至教都一腳踢,提到同娛樂圈的淵源,就要從主持飲食節目講起:「為食台開台嗰陣搵我主持《新派煮意》,煮吓嘢食,同嘉賓傾吓偈。後來有監製搵我拍劇咪拍囉,拍拍吓就到而家喇。(鍾意做主持定拍劇?)兩樣嘢唔同,但做主持輕鬆啲,有唔同嘅方法表達,同埋有唔同嘅嘉賓幾過癮。拍劇要背對白,跟足劇本做,相對困難啲。」

Billy最初是擔任《新派煮意》的主持,教大家煮餸。(Facebook@BillyCheung張本立)

仲有薛家燕做嘉賓!(Facebook@BillyCheung張本立)

雖然要兼顧生意同拍劇不容易,但Billy反而樂在其中:「拍劇可以擴闊視野,有新鮮感。雖然生意忙,但我多數係晚黑拍劇,反而畀咗我一個好好嘅理由推咗啲應酬同酒局,飲少啲酒。(咁忙會唔會少咗時間陪屋企人?)係少咗,但我覺得最緊要係Quality(質素),咁我覺得係有嘅。」

Billy同合作的演員相處得好開心!(Facebook@BillyCheung張本立)

點擊下圖睇張本立更多生活照:

+11
+10
+9


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。