遺憾當年未能加入Sun Boy'z 陳家樂自認零舞功:公司放棄咗我

撰文:
最後更新日期:

陳家樂今日(3/8)到深水埗出席著名珠寶新店開幕活動,他更化身成店長為準備出嫁的妹妹揀選一對龍鳳鈪作為嫁妝,家樂表示:「今日妹妹同爸爸都有現身現場,因為10月細妹就要擺酒,其實一路爸爸都叫我係時候買啲嘢俾妹妹喎,一路自己都冇理到,後尾發覺原來只有兩個月喎,之後諗買咩嘢好呢?咁啱今日嚟做店長,知道呢度有得買龍鳳鈪,咁所以叫埋佢哋一齊嚟揀,一隻龍鳳鈪都要兩萬幾,我會送一對畀佢。」

家樂預算買一對總值6萬港元的龍鳳鈪,送給妹妹作為嫁妝。(陳志嵐攝)

提到師兄關智斌(Kenny)成功擺脫張致恆桃色風波拖累,宣布9月紅館開個唱,家樂表示:「好開心見到佢能夠完成自己嘅夢想,我好戥佢高興,記得初入行嘅時候,佢係我師兄畀好多嘅意見我亦好照顧我,希望佢演出成功。」問會否以嘉賓身份上台跳舞唱歌?家樂笑言:「自己本身唔識唱歌跳舞,無謂獻醜啦,好記得以前BOYZ剛拆夥後,Kenny變咗單飛,公司當時想組合一隊Sun Boy'z,咁所以搵咗我,先後跳咗幾堂之後,發覺原來自己真係唔得,公司放棄咗我。」

家樂今日化身成店長,為客人揀選適合的鑽飾。(陳志嵐攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。