【8.5罷工】汪明荃表示體諒 網民激讚:佢愛港又愛國!

撰文:
最後更新日期:

近日全港市民都將焦點放在「反修例」遊行和集會上,政府、警察、市民的關係亦愈見緊張,最近亦有團體發起「8月5日全城罷工」活動,有不少網民表示嚮應,更有公司或組織表示不反對員工於當日「休息」一天。

阿姐汪明荃昨晚以主席身份出席「八和粵劇學院課程匯報演出」,除了致辭和頒授證書與獎狀之外,亦有接受傳媒訪問。當記者提及到「8月5日全城罷工」的話題時,阿姐並不表示:「罷工當然唔太好,但我都理解,希望大家做返打工仔要做嘅職務,如果個個都停就會停頓,睇大家嘅意向同意願,有啲人都想個社會正常運作。」

阿姐講人話勁有霸氣!(Instagram@wang_liza)

阿姐向來夠貼地夠膽講真話 曾公開叫馬時亨減港鐵車費

阿姐言論一出,有不少網民稱她是真正愛國愛港分子。其實阿姐一向都關心社會議題和民生,早前更曾「讚好」過一些修例相關的報道,不過事後阿姐曾澄清過是「誤like」。除此之外,其實在2016年,阿姐獲邀出席「5月之星」的港鐵活動,受訪時更發揮「阿姐」本色,先斥受惠人數少,繼而多番向同場的前港鐵主席馬時亨表示要減車資,令馬時亨頓時支吾以對。另一方面,在《萬千星輝頒獎禮2017》的節目上,阿姐領「光輝大獎」時亦曾說過:「如果公司人工可以加多啲啲,休息時間多啲啲,關心多啲啲,山頭文化少啲啲,一定可以留到更多人才,士氣更加高漲,我哋可以好自豪咁講我係來自TVB!」

阿姐除咗夠貼地之外,亦好肯接受新事物,《娛樂大家》造型勁特出:

2016年,阿姐仲當場同馬時亨講:「你宜家有無後悔請我嚟?」(資料圖片)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。