【小Q】任達華曾NG達48次破紀錄 讚狗狗演技好:影后應該係佢!

撰文:
最後更新日期:

任達華、楊采妮日前接受香港開電視《娛樂頭條 E-news Headline》主播馬梓軒(William)專訪,分享與狗狗一同拍攝電影《小Q》點滴。戲中華哥因失明而封閉自己,他表示角色性格與現實剛好相反:「我不嬲都好正能量,跌低咗會問自己點解會咁,然後自行解決困難!當然有時同朋友傾計都好緊要,只要有愛,世上所有嘢都能夠解決!」

華哥話自己一向充滿正能量!

拍戲遷就狗狗 任達華NG達48次破紀錄

華哥與導盲犬布丁因拍戲而建立了深厚感情,但同時令他創下48次NG紀錄,華哥笑言:「破咗人生紀錄!因為永遠係我哋同機器遷就狗狗,佢地唔知道鏡頭喺邊,點樣走位!不過佢始終係一隻動物,出年金像獎,我覺得影后應該係佢!」此時Charlie也異口同聲,表示會提名狗狗角逐明年金像影后。

Charlie同華哥異口同聲讚狗狗演技好啵。

Charlie除了享受幕前演出,亦曾擔任導演。被問到假如將來再執導演筒拍戲,並由華哥主演,Charlie會拍什麼題材呢?她表示:「有時聽到大家問華哥仲想演咩角色,我心諗佢真係演過太多角色,但我成日覺得華哥係可以喺野外生活嘅人,係一個Survivor!例如拍佢突然去到荒島,然後用各種方法掙扎求存,相信呢類題材由華哥演嘅話,應該會幾好睇!」

Charlie話想拍華哥流落荒島。

Charlie又稱希望能多接拍電影,但現時仍要花多點時間照顧一對小孖寶,而被問到老公、兩個兒子以及兩隻愛犬在她心中的排位,Charlie表示:「唔好逼我排啦!佢哋喺我心目中係同一線,因為佢地都係家人,缺一不可!」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。